Couch CLUB

營業中

休息中

今日難得係銅鑼灣，搵到呢間咁Chill既地方坐底食晏。 一入到黎意外地覺得地方都幾大，而且平日lunch冇諗過會有咁多人帶狗狗黎，所以見到已經好鍾意。 坐底地方都好靚，感覺真係好似係日本既shop咁，好有秘境feel。佢地個Bento box睇落幾抵，小食+主食仲配飲品，好唔錯。 咁吸引就點左椒鹽玉子豆腐，外脆內軟，好有水準。 醬油漬溫泉蛋，配全珍珠米超正。 而主食就簡左唐揚炸雞配自家製他他醬，冇諗到佢可以炸到咁鮮嫩，唔油但又keep到咁多肉汁。 日式洋蔥炒牛肉，每一片牛肉都好大塊，炒得好香甜，個配搭一流。 飲品就簡左宇治小山園抹茶，好滑，亦唔會過甜，好享受。最後都忍唔住叫埋濃縮咖啡配雪糕，好香濃，Expresso 超好飲。仲試埋佢地既百利甜酒鮮奶咖啡，少少酒味既香甜。 對唔太食甜既我黎講都可以接受。 呢度真係一個好正既餐廳。