影片
更多
2021-10-18
337 瀏覽
呢日同朋友慶祝生日🎂，想食好啲啲，於是認真上網搵吓有乜正嘢。我見旺角有間樓高三層嘅新餐廳進駐喎，睇見「Lab Eat Bistro」個名，我就記得幫襯過佢集團，印象中係有質素。我預先喺網上訂枱，並寫上生日要求，我先行到步作安排，但其實我都唔使出聲，店員就主動確認🙏🏻。餐廳面積好大，座位區佔兩層，裝修行工業風，簡單而不失格調。再者，餐枱之間有一定距離，唔逼夾，我哋坐得好舒服。餐廳賣嘅菜式選擇唔少，集多國菜於一身🍽，而且更創意十足！主菜定價稍貴，不過小食、配菜同甜品等就好抵食，拉上補下都OK啦。辣肉腸白酒煮蜆($78)，煮蜆以砵仔盛上，氣派十足。蜆一啲都唔細隻，而且仲非常肥美鮮甜。白酒汁亦係精華所在，配以洋蔥絲同辣肉腸一同煮製🥓，而酒味就香而不嗆。鵝肝燉蛋($68)，呢款前菜好特別，鵝肝同燉蛋分別食得多，但夾埋一齊就比較罕見。兩者溝埋食毫無違和感，燉蛋嘅甜味襯托出鵝肝嘅鮮味。佢配以多士脆片作伴🍞，比起單獨食更佳。牛腹扒($288/8安士)，牛扒有四個部位可選🥩，各有特色。店員介紹牛腹位置算係肌肉位，肉味比較濃，亦不乏油香，建議熟度為三成至五成，否則驚變得難嚼。牛扒肉身呈粉紅色，符合我哋要求
呢日同朋友慶祝生日🎂，想食好啲啲，於是認真上網搵吓有乜正嘢。我見旺角有間樓高三層嘅新餐廳進駐喎，睇見「Lab Eat Bistro」個名，我就記得幫襯過佢集團，印象中係有質素。
我預先喺網上訂枱，並寫上生日要求，我先行到步作安排，但其實我都唔使出聲，店員就主動確認🙏🏻。餐廳面積好大，座位區佔兩層，裝修行工業風，簡單而不失格調。再者，餐枱之間有一定距離，唔逼夾，我哋坐得好舒服。
餐廳賣嘅菜式選擇唔少，集多國菜於一身🍽，而且更創意十足！主菜定價稍貴，不過小食、配菜同甜品等就好抵食，拉上補下都OK啦。
辣肉腸白酒煮蜆
$78
14 瀏覽
0 讚好
0 留言
鵝肝燉蛋
$68
18 瀏覽
0 讚好
0 留言
牛腹扒($288/8安士)，牛扒有四個部位可選🥩，各有特色。店員介紹牛腹位置算係肌肉位，肉味比較濃，亦不乏油香，建議熟度為三成至五成，否則驚變得難嚼。牛扒肉身呈粉紅色，符合我哋要求嘅五成熟，肉質唔韌。牛扒上枱時經已切開，食用方便。醬汁方面，阿根廷青醬由香草同蒜頭整成，味道清新，不過我認為可以鹹啲。
慢煮法式雞胸配白酒忌廉汁($188)，餐廳大部份主菜都係肉扒，意粉同飯就得三款。由於我哋係食肉獸，所以再嗌咗肉肉。🐔雞胸完全被白酒忌廉汁所覆蓋，好震撼！忌廉汁幾重蘑菇香，亦難得唔膩。雞胸大件肉厚，慢煮方式能夠鎖住肉汁，令肉質無變嚡。雞胸搭配多款配菜，例如有薯蓉、車厘茄同露筍等。
甜醋糖心蛋
$38
6 瀏覽
0 讚好
0 留言
韓式椰菜花
$38
11 瀏覽
0 讚好
0 留言
黑白西多士配雪糕
$58
9 瀏覽
0 讚好
0 留言
飲品方面，非酒精類別選項較少，建議可推出Mocktails。我哋要咗凍薄荷茶($32)同埋熱藍花皇家伯爵紅茶($38)，前者幾大杯同夠清新🌿。後者無用上靚靚茶杯，味道亦係普通伯爵茶，不過勝在店員會主動幫忙再三添茶，抵飲。
總括嚟講，餐廳各方面都令人滿意，食物味道有水準，設計有心思😋。另一邊廂，店員們嘅專業服務態度亦值得表揚。佢哋每一位都表現得好有活力，對菜式內容熟悉，主動關心客人需要，絕無可挑剔嘅地方。如果要比分餐廳，我會比99分，扣咗1分係因為餐廳太受歡迎，有幾樣菜式售罄，無機會食到，不過我會再次嚟幫襯㗎！最後，I have SOMETHING推介FOR YOU: Lab Eat Bistro👍👍。
張貼
