影片
更多
2024-03-18
237 瀏覽
情人節冇慶祝活動，但係都買咗蛋糕同甜品返屋企，準備比屋企人一個驚喜！今次揀咗來自尖沙咀嘅soulgood Bakery，因為佢嘅外型真係好吸引呀！佢自己門面真係好靚好美式風格，好適合用嚟打卡，所以都忍唔住影多咗幾張相。佢哋最出名嘅係曲奇餅，不過今日冇買曲奇餅，反而買咗一個鐵觀音巴斯克蛋糕同埋一個開心果蛋糕杯😍除咗蛋糕之外仲有嘢飲，所以就買咗一樽薑餅人朱古力奶。埋單都要成$200 ，究竟抵唔抵食呢？鐵觀音巴斯克蛋糕雖然比較細，但係好濃味，屋企人一致讚賞🩷反而我最鍾意嘅係開心果罐裝蛋糕，因為佢真係好濃味！佢食落去口感好似木糠布甸咁，但係就加咗好多開心果粒同埋開心果醬，開心果味應該都會幾滿意😍最後就係薑餅人朱古力奶啦！開頭冇為意以為係有薑味嘅朱古力奶，但睇真啲原來係薑餅人造型嘅朱古力奶😆不過唔緊要，因為佢嘅朱古力真係好濃，淨係睇上咗見到佢嘅朱古力粉佔咗差唔多¼😗真係算足了㗎 ！雖然呢間嘢價錢都算進取，但係味道都算OK，所以可以有下一次🥰
佢自己門面真係好靚好美式風格，好適合用嚟打卡，所以都忍唔住影多咗幾張相。
佢哋最出名嘅係曲奇餅，不過今日冇買曲奇餅，反而買咗一個鐵觀音巴斯克蛋糕同埋一個開心果蛋糕杯😍除咗蛋糕之外仲有嘢飲，所以就買咗一樽薑餅人朱古力奶。
埋單都要成$200 ，究竟抵唔抵食呢？
鐵觀音巴斯克蛋糕雖然比較細，但係好濃味，屋企人一致讚賞🩷
反而我最鍾意嘅係開心果罐裝蛋糕，因為佢真係好濃味！佢食落去口感好似木糠布甸咁，但係就加咗好多開心果粒同埋開心果醬，開心果味應該都會幾滿意😍
最後就係薑餅人朱古力奶啦！開頭冇為意以為係有薑味嘅朱古力奶，但睇真啲原來係薑餅人造型嘅朱古力奶😆不過唔緊要，因為佢嘅朱古力真係好濃，淨係睇上咗見到佢嘅朱古力粉佔咗差唔多¼😗真係算足了㗎 ！
雖然呢間嘢價錢都算進取，但係味道都算OK，所以可以有下一次🥰
張貼
