LOG-ON Café (已結業)

同朋友行太古城廣場，佢話有新野試，於是就一齊去試下。估唔到係log on都開左cafe。Cafe 係自助搵位，叫完餐有個號碼牌俾你，然後waiter會將你點嘅送到你面前。朋友叫個煙三文魚all day breakfast。入面有4、5片煙三文魚，三角形薯餅，多士。我就點左個明太子長通粉。朋友個個好滿，煙三文魚味道不太咸，薯餅脆香，多士無upgrade 但都夠鬆軟。至於我個個長通粉，原來係好多小蝦米再伴上一粒粒嘅明太子，而不是明太子醬。長通粉食得出經牛油煎香，因此有少少硬，但好香。無汁嘅明太子唔辣但口感都好豐富。至於明蝦乾，少少咸，多多脆。伴住幾條通粉放入口，係正嘅，除左真係有d乾。我地各人個餐包杯野飲，我要少冰檸茶，佢真係幫我少左好多冰，糖水又可以自己落，加分！估唔到Log-on 搞cafe都夠得幾好。返食指數4粒星(5粒最高)。