千両 (又一城)

營業中

休息中

四月份可說是PJ 的刺身魚生月，先是在日本賞櫻美食之旅的魚生魚生及魚生，回港後的朋友飯聚都繼續係魚生，今次友人提議到正在推廣時令蜜柑味油甘魚配清酒menu的又一城千兩，好似幾特別咁，一於去試下。這個油甘魚menu 特別選了4 款清酒配上，$108 的四杯清酒拼盤個名夠哂型：薰~ 芬芳• 爽~ 清柔• 醇~ 醇厚• 熟~ 陳年，各具特色。小食先來味淋魚乾($58)及炸甜蝦($45)。魚乾香口惹味，炸蝦火喉控制得宜，味香夠乾身，呢兩道小食用來餸酒啱哂。跟住到兩款主角油甘魚刺身出場，蜜柑味（$105)的配以柚子汁啫喱，柑及柚子的香配油甘魚的鮮，夾。第二款油甘魚係炙燒柑橘刺身（$105)，配以酸汁蘿蔔茸及魚子，我較喜歡第一款的配搭。得二款刺身又點夠喉呢！接著係重量級拼盤：朝捕晚嚐海之幸(大盛)~$430；睇名都知主要係sell 新鮮，賣相亦攞唔少分。原條伊佐木用竹籤插在中間，有氣勢。除油甘魚外，亦有櫻魚鯛同黑睦這兩款平日較少食的魚，總括我較喜歡連皮的伊佐木，厚肉鮮甜。食咗咁耐魚生，係時候熟食返少少熱食平衡下喇，呢個鍋燒馬刀貝($68)，加了牛油同昆布，馬刀貝的爽配牛油的香滑，又係一個幾好嘅配搭