St. Barts (已結業)

情人節係一個掠水嘅節日，不過大家又想出去慶祝下鋸下扒，於是展開一輪地毯式搜索，終於搵到間相宜嘅餐廳，$308pp有齊前菜、主菜、甜品同埋一杯酒，真心抵，雖然未幫襯過唔知質素如何，但肯定嘅就係呢間係一間良心店，無mark up太多，仲要送妳一支玫瑰。🍴前菜 (三揀一)—————————龍蝦湯⭐️⭐️⭐️⭐️非常濃郁嘅龍蝦湯，裡面仲有幾隻小龍蝦，味道口感都唔錯。羊奶芝士葡萄丸釀煙薰三文魚伴開心果⭐️⭐️⭐️⭐️⭐️味道層次豐富，首先香脆外層，繼而係creamy芝士，之後係香甜提子，超夾超好味，好想encore！🍴主菜 (四揀一)—————————黑安格斯西冷扒配薯條沙律 (+$25)⭐️⭐️⭐️牛扒medium煎得好靚好juicy，牛味仲好重，不過口感有些少韌同埋薯條唔熱。燴羊膝配薯蓉·蜂蜜胡蘿蔔·西蘭花 (+$15)⭐️⭐️⭐️⭐️羊膝入口即化唔會鞋，有些少羊羶味，好正！薯蓉好香好滑同時有些薯粒口感，好味，仲有甜甜嘅蘿蔔都好味。🍴甜品————-紅絲絨蛋糕伴雪糕⭐️⭐️⭐️⭐️第一次食紅絲絨蛋糕所以唔知好唔好味，不過伴雲尼拿雪糕就一定無得輸。🍴酒 (四揀一)————————-白酒⭐️⭐️⭐️阿sir話麻麻地，咁人哋收得你呢個價錢就係咁