快船廊

營業中

休息中

Book咗一晚Staycation 連自助晚餐及早餐。晚餐係日韓主題自助餐。原本以為自助餐有任食生蠔，但原來依家變咗每人4隻，質素普通，不太有海水味，亦唔太鮮甜。另外每人有塊韓牛，略嫌偏熟，有少少靭。自助餐熟食選擇唔算多，只有幾款刺生壽司，炒菜炒麵，越南粉麵，麵包，韓式炸雞 炒粉絲，幾款海鮮 包括龍蝦，鮑魚，青口等等，龍蝦尚算彈牙。甜品種類方面比較多，亦有出名既芝士蛋糕。至於早餐方面，選擇亦不算多，有點心，粉麵，粥等等。點心比較搶手，一出爐好快就畀人攞晒，但質素相當普通，蝦餃皮超厚，其他點心亦不如普通酒樓…總結staycation package性價比算不錯，但不要有太大期望，食物不過不失。