影片
更多
2006-06-06
10 瀏覽
生日晚餐由baby同honhon們策劃,神秘到自己連地點都唔知,只係知係佐敦等,最後一分鐘由baby帶我由街口向左行,我已經估到係moment cafe!環境暗暗地,好似幾好feel,而且位處頂樓,好有居高臨下感覺,仲有少少維港夜景,景觀又幾好bor!由於有訂位,所以可以坐到大梳化,舒服!!最特別係檯面放左好多baby至愛黃色膠鴨仔,初時我仲以為係honhon們搞既佈置,原來唔係喎。晚餐選擇唔多,我地都係揀左雞扒同鴨胸,分別配意粉或薯蓉。西蘭花忌廉湯: 一碗淺綠色既湯,如果唔係睇到係西蘭花湯,我會以為係青豆湯lu,味道ok,口感幾滑但唔夠熱。雞扒意粉:份量真係幾細,男仔未必夠,女仔勉強還可以。雞扒用香草醃過,味道ok,煎得外表金黃香脆,入面就仲有肉汁,幾好;意粉係較幼身個款,不過未至於係天使麵,口感唔錯,有咬口,不過有朋友認為稍硬;茄汁就普通左少少,聽其他食鴨胸朋友講,鴨胸個黑醋汁好正,如果可以轉黑醋汁,應該會更加好味。iced latte: 用紅酒杯上,視覺上幾ok,只係味道偏淡,咖啡味道唔濃,唔係我杯茶。我的生日蛋糕--芒果芝士蛋糕,味道真係幾好!我自己覺得好似食緊芒果布丁/楊枝甘
環境暗暗地,好似幾好feel,而且位處頂樓,好有居高臨下感覺,仲有少少維港夜景,景觀又幾好bor!由於有訂位,所以可以坐到大梳化,舒服!!最特別係檯面放左好多baby至愛黃色膠鴨仔,初時我仲以為係honhon們搞既佈置,原來唔係喎。
晚餐選擇唔多,我地都係揀左雞扒同鴨胸,分別配意粉或薯蓉。
西蘭花忌廉湯: 一碗淺綠色既湯,如果唔係睇到係西蘭花湯,我會以為係青豆湯lu,味道ok,口感幾滑但唔夠熱。
雞扒意粉:份量真係幾細,男仔未必夠,女仔勉強還可以。雞扒用香草醃過,味道ok,煎得外表金黃香脆,入面就仲有肉汁,幾好;意粉係較幼身個款,不過未至於係天使麵,口感唔錯,有咬口,不過有朋友認為稍硬;茄汁就普通左少少,聽其他食鴨胸朋友講,鴨胸個黑醋汁好正,如果可以轉黑醋汁,應該會更加好味。
iced latte: 用紅酒杯上,視覺上幾ok,只係味道偏淡,咖啡味道唔濃,唔係我杯茶。
我的生日蛋糕--芒果芝士蛋糕,味道真係幾好!我自己覺得好似食緊芒果布丁/楊枝甘露蛋糕,口感好軟滑,芝士味道唔太濃,不過好香芒果味,仲有粒粒芒果,呢個好味道!!
後來同個位好nice既姨姨傾開至知,呢度既蛋糕都係佢親手做,又不斷問我地對食物意見,呢種求進步既態度係好值得支持!!我地話鐘意有餅底,佢話下次早一日通知,幫我地整個有餅底既,真好!!
今年生日過得超開心,真係好多驚喜,多謝honhon們&baby既禮物同party安排,仲有pooh pooh哥哥做埋柴可夫,THX!!
張貼
