空

營業中

休息中

尖沙咀開咗間新嘅日本餐廳，咁難得同朋友係尖沙咀做嘢，就已經book定枱去食飯。中午餐牌有得揀套餐或者廚師發板，但係因為我哋Budget有限，所以都係試吓啲套餐已經覺得好奢侈。刺身定食$238帶子、甜蝦、中拖羅、鰽魚、真鯛、深海池魚。刺身用嘅魚比你想像中更加認真講究，全部都係比貴價貨高質素，出面比較少食到嘅。全部刺身與都比想像中好味同埋新鮮，中拖沒有什麼筋，其他魚味道都好鮮滑。西京銀鱈魚定食$168呢個就要等耐少少，不過個銀雪魚幾香甜，而且沒有骨，食落去好滑，差唔多可以話係入口即溶。配搭飯一齊食真係好鬼正！美中不足嘅係啲飯比較多，所以變到有少少感覺唔夠餸食咁樣。桃jelly味道比較清新，作為飯後甜品唔會太膩，剛剛好。即磨咖啡☕朋友飲，所以我都唔知係咩味，不過佢就話啲咖啡豆好高質素，問返餐廳原來係老闆親自挑選，直情想問埋佢係咩牌子。​另外仲有一啲沙律小食，前菜，味增湯同埋蒸滑蛋，都唔錯架。