影片
更多
2017-12-04
719 瀏覽
今日去太子行街，唔覺唔覺又行到天黑，當然順路係嗰頭食埋晚飯啦，上openrice睇吓有無D特色美食嘢，竟然找到間食正宗意大利菜，個名夠哂甜-Home Sweet Home,單看食物又好吸引，一於入去試試。餐廳地點都好易找，近太子地鉄C2出口，行去不用兩分鐘，門面茶色落地玻璃，樓底好高好舒服無壓迫感，地方乾淨,裝修格調浪漫，配合餐廳名字。門口餐牌夠吸引全店枱上放上浪漫蠟燭，重本之選係因為係全都用上真嘅大型蠟燭，在昏暗燈光配合下，令氣氛同情調錦上添花。而餐牌又係一個驚喜點，先係枱面方面，有一個發光嘅座枱餐牌，而另一個大大的黑色皮革餐牌，一打開真係“嘩”一聲叫咗出嚟，有差不多A3 呎吋大的平面屏幕餐牌，點餐都開心D。發光的餐牌LED燈，夠浪漫到點餐啦！其實係門口已經見佢推介有個“加拿大肉蟹海鮮拼盤”，就試吓呢個，一上枱已氣勢逼人，超巨大的品種，呃like一流，一個大大嘅透明玻璃碟，放滿滿嘅冰，上面當然有最搶鏡嘅主角加拿大肉蟹啦，色澤鮮艷，一打開蟹殼全是橙色，全部都係橙色，未見過咁爆膏，成個蟹殼蓋填滿了蟹膏，配上跟拼盤嘅黑醋汁來吃，其味無窮，唔會覺得好乾同好膩，而係有濃濃嘅膏香，一口接一口，食
餐廳地點都好易找，近太子地鉄C2出口，行去不用兩分鐘，門面茶色落地玻璃，樓底好高好舒服無壓迫感，地方乾淨,裝修格調浪漫，配合餐廳名字。
門口餐牌夠吸引
全店枱上放上浪漫蠟燭，重本之選係因為係全都用上真嘅大型蠟燭，在昏暗燈光配合下，令氣氛同情調錦上添花。
而餐牌又係一個驚喜點，先係枱面方面，有一個發光嘅座枱餐牌，而另一個大大的黑色皮革餐牌，一打開真係“嘩”一聲叫咗出嚟，有差不多A3 呎吋大的平面屏幕餐牌，點餐都開心D。
發光的餐牌
LED燈，夠浪漫
到點餐啦！其實係門口已經見佢推介有個“加拿大肉蟹海鮮拼盤”，就試吓呢個，一上枱已氣勢逼人，超巨大的品種，呃like一流，一個大大嘅透明玻璃碟，放滿滿嘅冰，上面當然有最搶鏡嘅主角加拿大肉蟹啦，色澤鮮艷，一打開蟹殼全是橙色，全部都係橙色，未見過咁爆膏，成個蟹殼蓋填滿了蟹膏，配上跟拼盤嘅黑醋汁來吃，其味無窮，唔會覺得好乾同好膩，而係有濃濃嘅膏香，一口接一口，食到唔停口，而蟹肉方面，好實淨白雪雪的，有濃郁嘅蟹味，肥厚味鮮甜。最貼心係跟餐已有剪蟹用嘅專用剪刀，等大家可以慢慢細味品嚐。
加拿大肉蟹海鮮拼盤
16 瀏覽
0 讚好
0 留言
加拿大肉蟹海鮮拼盤
15 瀏覽
0 讚好
0 留言
加拿大肉蟹海鮮拼盤
20 瀏覽
0 讚好
0 留言
加拿大肉蟹海鮮拼盤
21 瀏覽
0 讚好
0 留言
加拿大肉蟹海鮮拼盤
18 瀏覽
0 讚好
0 留言
拼盤另一主角係阿根廷紅蝦，蝦身大大隻，一打開蝦頭，入面有滿滿蝦膏，而蝦身肉質爽甜，蝦味濃厚。
仲有韓國灰蜆，蜆肉鮮甜無比，蜆肉豐厚，口感滿足。
而法國空運夏勒拿生蠔，Size適中，但蠔味好濃，食多幾隻都唔多夠喉。
最後一樣係青口，來自紐西蘭，大大隻肥美肉厚，鮮甜美味，大滿足。
除了海鮮拼盤，我哋係“六度風味晚市套餐”中，再選了一個“德國咸豬手~酸椰菜~柚子芥末醬”首先跟餐前菜有凱撒沙律，香草手指脆多士，唔好睇佢好似得條生菜，其實係杯嘅底層，有自家製嘅沙律汁，用生菜點嚟食好味，而意大利什菜濃湯，好足料濃濃嘅湯汁，再配上香草手指脆多士好夾，仲有雞尾酒凍蝦，肥美嘅蝦配上檸檬汁及雞尾酒製成嘅汁，好開胃。呢三味前菜真的色香味俱全。
跟餐有一小杯鮮果沙冰，由西瓜汁打成，唔會有太大舊嘅冰，個沙冰打得好細緻。
主菜德國咸豬手，原隻上碟分量十足，影完相待應主動問洗唔洗幫忙剪碎，服務貼心又週到，最估唔到切完後再上枱，都仲係排到個賣相一流。而味道方面，個豬手皮焗得脆脆的，而內裏肉質仍能保持，咸香味濃嘅豬手肉，食到嘴唔停，而配上柚子汁清新過人，同豬手好配合，個酸椰菜點上柚子汁，加上有紅辣椒絲，有微辣嘅口感，中和了豬手的厚膩，點上芥末醬又可以再賞到另一個層次。
主菜德國咸豬手
11 瀏覽
0 讚好
0 留言
主菜德國咸豬手
12 瀏覽
0 讚好
0 留言
餐飲方面要了一杯凍玫瑰奶茶，奶茶面放上玫瑰花乾，而在杯嘅底陪有濃濃的玫瑰花茶，將飲品攪拌後飲，好香好濃，茶香奶香花香，配合得天衣無縫。
凍玫瑰奶茶
9 瀏覽
0 讚好
0 留言
甜品方面，因為朋友當天臨近生日，安排咗一個甜品拼盤，一上枱真係氣勢逼人，有多款不同口味嘅雪糕球，有千層蛋糕，D皮好薄，好好味，而有個芒果拿破崙蛋糕，芒果香濃，個蛋糕酥皮焗得好鬆脆，而又有蛋香味，真心推介。另一個重點甜品係心太軟，脆脆外皮，內裏流心濃郁朱古力，配上雪糕食，奇味無窮。還有芝士蛋糕，芝士味香濃，味道清新。
甜品拼盤
21 瀏覽
0 讚好
0 留言
靓到唔捨得食
甜品拼盤
16 瀏覽
0 讚好
0 留言
食完這餐後，一直反覆回味，無論食物水準、待應服務態度，裝修格局，都給我很好的感覺~~非常Sweet。
張貼
