影片
更多
2011-01-09
32 瀏覽
12 月是最繁忙的月份，因為實在太多人生日啦~ 今年朋友同我慶祝生日，地點一早已經揀左swiss chalet，原因係因為佢想食好耐喎。地點對我黎講唔算太難搵，因為之前黎附近食野已經經過好多次啦。朋友好早已經訂左檯，原來是晚full得幾緊要，我地黎到見到有人walk-in 都被拒諸門外~ 原來我地只有兩個人，後來改左三個佢都即刻改左張大檯俾我地，服務幾彈性無咩大問題呀~唔知係咪冬天佢無開冷氣，定係大家都食緊芝士火鍋，入到去真係好溫暖，仲暖到有dd熱呀~ 環境唔算好寬闊，但我幾鍾意呢D環境，唔算太迫又好溫暖，好有氣氛呀。未食前菜先有麵包選擇，可選兩款，麵包唔係好算熱辣辣，但都鬆軟的，加埋幾香有LOGO的靚牛油，見到都開心。可能實在食左太多晚，是晚唔係話叫左好多野但我地都好飽啦，前菜叫左三文魚跟刁草芥末汁跟多士，因為想叫D唔太膩既食物。多士薄薄的香脆好食，三文魚我最鍾意佢跟個個刁草芥末汁，酸酸甜甜，食落好惹味~~是晚其實係我第一次食芝士火鍋，店員問我地個芝士火鍋加唔加酒，我地就話加少少唔駛太多。當個芝士火鍋黎到既時候味道係勁香，而且亦聞得出酒味，兩隻味混在一起令我地垂涎欲滴啦。芝士味濃郁，
12 月是最繁忙的月份，因為實在太多人生日啦~ 今年朋友同我慶祝生日，地點一早已經揀左swiss chalet，原因係因為佢想食好耐喎。地點對我黎講唔算太難搵，因為之前黎附近食野已經經過好多次啦。朋友好早已經訂左檯，原來是晚full得幾緊要，我地黎到見到有人walk-in 都被拒諸門外~ 原來我地只有兩個人，後來改左三個佢都即刻改左張大檯俾我地，服務幾彈性無咩大問題呀~
唔知係咪冬天佢無開冷氣，定係大家都食緊芝士火鍋，入到去真係好溫暖，仲暖到有dd熱呀~ 環境唔算好寬闊，但我幾鍾意呢D環境，唔算太迫又好溫暖，好有氣氛呀。
未食前菜先有麵包選擇，可選兩款，麵包唔係好算熱辣辣，但都鬆軟的，加埋幾香有LOGO的靚牛油，見到都開心。可能實在食左太多晚，是晚唔係話叫左好多野但我地都好飽啦，前菜叫左三文魚跟刁草芥末汁跟多士，因為想叫D唔太膩既食物。多士薄薄的香脆好食，三文魚我最鍾意佢跟個個刁草芥末汁，酸酸甜甜，食落好惹味~~
是晚其實係我第一次食芝士火鍋，店員問我地個芝士火鍋加唔加酒，我地就話加少少唔駛太多。當個芝士火鍋黎到既時候味道係勁香，而且亦聞得出酒味，兩隻味混在一起令我地垂涎欲滴啦。芝士味濃郁，配法包薯仔都好味，而且雖然係食落好飽，但又唔會係膩到令人難受既感覺。跟芝士火鍋既牛柳粒都好味架，幾鬆軟肉味又濃，加埋芝士一樣正~~~
仲有就係瑞士炒雞肉配磨菇忌廉汁薯餅，呢個亦係朋友想食既主菜，由於芝士火鍋叫左牛柳所以我地呢個就選雞肉，我好鍾意食呢個薯餅呀~~~ 個薯餅厚厚的又香薯味，表面炸得香脆，內裡切得夠細食落又有口感，加埋忌廉汁味道亦香濃唔膩，真係好食喎。
最後甜品我地叫左小朋友甜品 - 香蕉船，多謝朋友叫餐廳準備蠟燭，個香蕉船好食在movenpick雪糕，朱古力味超香濃而且好多朱古力碎，raspberry 甜得黎有點點酸，味道清新，好味好味。
是晚我地係呢度渡過左開心溫馨既三小時，多謝朋友仔請食飯，sweet 到不得了呀~ 所以我係個標題到都要加返幾個心心，哈哈，love u always*** =))))
張貼
