T.Co (西洋菜南街)

營業中

休息中

經過旺角，想食異國風味既美食，誤打誤撞就揀左呢間店舖。雞肉卷、牛肉卷每個卷餅都係即叫即做，材料豐富，有醃製入味既雞肉或牛肉，配搭青瓜、蕃茄、洋蔥及沙律醬等等，口感層次豐富，材料一啲都唔馬虎，食完並唔會覺得膩，連埋卷皮煙煙韌韌，非常之滿足。牛肉飯睇落去賣相並唔係話好吸引，以為冇特別。但原來係錯既！米飯呈黃色，係店舖新鮮蒸煮，平時都甚少見到黃色既飯。牛肉好似五香肉丁既味道，少少香辣香辣，引人垂涎三尺。另外佢既配料豐富，有洋蔥、蕃茄、青瓜，食落去好清新，值得一試。