No Money So Lonely

營業中

休息中

到左下午茶時間，同朋友黎到呢間玩味十足既餐廳嘆下。餐廳地方好大，有唔少地方可以俾你打下卡影下相。我地叫左喇沙掛天使麵配石班大蝦、咖央窩夫同黑芝麻豆漿沙冰。喇沙掛天使麵配石班大蝦好特別，有一個茶壺裝住喇沙湯汁，湯汁屬於稠身既，都辣辣地架，配天使麵無乜違和感。咖央窩夫雪糕係雲尼拿味，窩夫係軟身個種，味道唔錯，幾濃蛋味，咖央醬幾重椰子味，第一次見同窩夫呢個配搭，可以一嚐。黑芝麻豆漿沙冰好似飲緊芝麻糊甘，飲得到有豆漿味，兩者都幾夾，甜度適中，幾好飲又消暑。