泰筏味泰國船河專門店 (已結業)

今晚過左來大角咀做嘢，見凍凍地隔離剛好有間食泰food，食碗熱辣辣泰河都好哦~一入到去陳陳食物香撲鼻而來，好肚餓添。即叫兩碗招牌 泰筏河食先。細細碗材料十足。我地分別叫左扎肉，同豬雜。啖湯好濃骨味但好清，完全唔肥膩，河粉係一片片咁十分有咬口。好食！再繼續食經典小菜，有泰式酸辣開胃鳳爪，脆口炸蝦餅，香口爽脆既燒雞軟骨，甜甜地既豬肉串，最好食係個香絲蝦卷，用魚肉包住粒蝦，米粉卷住酥炸，外脆內裡彈牙。正！