影片
更多
2018-11-13
1830 瀏覽
十一月係我既生日月，友人P一如往年邀請我食生日午飯，榮幸之至，就揀左公司樓下呢間UPP餐廳。提早book左位，接線職員同埋餐廳既receptionist都好有禮貌，餐廳環境唔錯，有落地大玻璃，對住信德直升機坪，陽光灑入，感覺幾悠閒，令人心情愉快。餐廳比起幾個月前黎食唔同左喎，包括前菜、主菜、飲品同埋額外加錢既甜品。前菜可以揀湯、沙律、蒜蓉包，或者加錢轉燒菠蘿或者水牛雞翼。我揀左沙律，朋友揀左湯。沙律除左菜之外仲有番茄仔，配黑醋，簡單美味，另外附有類似foccacia既麵包兩片。朋友既湯係栗米煙肉忌廉湯，望落唔會好水，不過我冇試。主菜係兩份黑松露芝士煙斗粉，份量好大，望落似macaroni with cheese，但食落冇咁漏，我鐘意佢個煙斗粉好al dente，亦都好索到芝士，另外加入一絲絲既黑松露醬，輕易清左碟。甜品係另加既，友人P二話不說order左一件blueberries cheesecake兩個人share，賣相幾有心思，除左cheesecake之外仲有伴碟既朱古力醬同埋融入左士多啤梨醬既cream，cheesecake香濃但唔會過甜，blueberries醬足夠，配埋伴碟既
提早book左位，接線職員同埋餐廳既receptionist都好有禮貌，餐廳環境唔錯，有落地大玻璃，對住信德直升機坪，陽光灑入，感覺幾悠閒，令人心情愉快。
餐廳比起幾個月前黎食唔同左喎，包括前菜、主菜、飲品同埋額外加錢既甜品。
前菜可以揀湯、沙律、蒜蓉包，或者加錢轉燒菠蘿或者水牛雞翼。
我揀左沙律，朋友揀左湯。沙律除左菜之外仲有番茄仔，配黑醋，簡單美味，另外附有類似foccacia既麵包兩片。朋友既湯係栗米煙肉忌廉湯，望落唔會好水，不過我冇試。
主菜係兩份黑松露芝士煙斗粉，份量好大，望落似macaroni with cheese，但食落冇咁漏，我鐘意佢個煙斗粉好al dente，亦都好索到芝士，另外加入一絲絲既黑松露醬，輕易清左碟。
甜品係另加既，友人P二話不說order左一件blueberries cheesecake兩個人share，賣相幾有心思，除左cheesecake之外仲有伴碟既朱古力醬同埋融入左士多啤梨醬既cream，cheesecake香濃但唔會過甜，blueberries醬足夠，配埋伴碟既醬汁一齊食，係滿足既甜品。
飲品叫左凍檸茶，味道正常，可以自行調較甜度。
講東講西，好快過左一個鐘。謝謝友人P既生日飯，同埋今年既第一件生日蛋糕。
張貼
