影片
更多
2024-11-27
314 瀏覽
今日去咗旺角MOKO商場嘅The Pantry Cafe，裝修簡約，環境寬敞，係一個好啱慢慢享受Brunch嘅地方。試咗幾款菜，質素唔錯，值得同大家分享下。今日係蘑菇湯，Creamy得嚟唔會太膩，蘑菇味好濃郁，暖笠笠嘅好開胃。奶昔-呢杯奶昔有淡淡嘅酒味，配上Creamy嘅奶油，入口甜而不膩，仲有朱古力醬畫嘅靚圖案，打卡同飲落都一流。焗帶子青醬意粉-呢個意粉青醬味道夠香，意粉煮得啱啱好。帶子上面鋪咗一層焗芝士，帶子鮮甜，不過芝士味有啲搶戲，但整體都係好食。酪奶雞肉沙律-雞肉外脆內嫩，配上牛油果、沙律菜同半熟蛋，蛋黃流出嚟拌埋沙律，好豐富嘅口感，食落又健康。蝦薯條-薯條炸得香脆，蝦肉鮮甜彈牙，加埋卡真香料調味，非常惹味，蒜味蛋黃醬更係點咩都好食！抹茶忌廉班戟-厚厚嘅班戟配上清淡嘅抹茶忌廉，唔會太甜，仲有紅豆同米香，食完真係有種滿足感。洋甘菊茶-最後飲咗杯洋甘菊茶，香氣撲鼻，好舒服，幾好解膩，食完豐富嘅餐後來一杯，正！總結The Pantry Cafe嘅食物質素唔錯，無論係意粉定甜品都好有水準，環境舒服。鍾意Brunch或者甜品嘅朋友可以嚟試試，推薦！
今日係蘑菇湯，Creamy得嚟唔會太膩，蘑菇味好濃郁，暖笠笠嘅好開胃。
奶昔-呢杯奶昔有淡淡嘅酒味，配上Creamy嘅奶油，入口甜而不膩，仲有朱古力醬畫嘅靚圖案，打卡同飲落都一流。
焗帶子青醬意粉-呢個意粉青醬味道夠香，意粉煮得啱啱好。帶子上面鋪咗一層焗芝士，帶子鮮甜，不過芝士味有啲搶戲，但整體都係好食。
酪奶雞肉沙律-雞肉外脆內嫩，配上牛油果、沙律菜同半熟蛋，蛋黃流出嚟拌埋沙律，好豐富嘅口感，食落又健康。
蝦薯條-薯條炸得香脆，蝦肉鮮甜彈牙，加埋卡真香料調味，非常惹味，蒜味蛋黃醬更係點咩都好食！
抹茶忌廉班戟-厚厚嘅班戟配上清淡嘅抹茶忌廉，唔會太甜，仲有紅豆同米香，食完真係有種滿足感。
洋甘菊茶-最後飲咗杯洋甘菊茶，香氣撲鼻，好舒服，幾好解膩，食完豐富嘅餐後來一杯，正！
總結
The Pantry Cafe嘅食物質素唔錯，無論係意粉定甜品都好有水準，環境舒服。鍾意Brunch或者甜品嘅朋友可以嚟試試，推薦！
題外話/補充資料：
景一流！出面有個大公園，好令人放鬆！員工就可以態度再好啲！
(以上食評乃用戶個人意見 , 並不代表OpenRice之觀點。)
張貼
