47
10
0
等級1
3
0
The Site The 西？
2024-02-03 489 瀏覽
之前睇某youtuber介紹咗佢朋友嘅依間餐廳，見啲嘢食好似幾吸引，bookmark咗好耐，終於有機會去。去之前早幾日book定位，到當日早咗啲到，又好肚餓，就諗住去問吓睇吓有冇得早啲入去。去到開門等咗一陣見無人招呼，行入去問個男店員有冇得早啲入，男店員話要到我book嗰個時間先有位，冇問題～到book嗰個時間，我好準時地返到餐廳，開門時咁啱該男店員見到我，佢又再問我有冇book位，我亦立即答佢我book幾多點，佢叫我喺出面等一等。等咗一陣，有兩組客人遲過我嚟嘅都入咗去，男店員完全無視我直接同之後嘅客人對電話，我猜測可能我book嘅次序遲過人哋？（但店員從來都冇問過我電話號碼/名，所以佢理應唔知我個次序？）點知到佢閂門嘅時候更加同我對望咗一眼就閂咗門，完全冇諗住同我講我係要繼續等定點？當時都過咗我book嘅時間，亦唔見得裡面仲有吉位。完全感到被無視同唔知要等到幾時嘅情況下，即刻過咗對面間2soon cafe，唔洗等位又好食～之後同朋友講返成個過程，朋友表示佢上次食嘅時候已覺得環境較逼，餐廳店員上菜時亦唔識望住張枱就擺低碟嘢，差啲跌落地……未食到已取消bookmark，附近都有好多caf
更多
之前睇某youtuber介紹咗佢朋友嘅依間餐廳，見啲嘢食好似幾吸引，bookmark咗好耐，終於有機會去。
去之前早幾日book定位，到當日早咗啲到，又好肚餓，就諗住去問吓睇吓有冇得早啲入去。
去到開門等咗一陣見無人招呼，行入去問個男店員有冇得早啲入，男店員話要到我book嗰個時間先有位，冇問題～
到book嗰個時間，我好準時地返到餐廳，開門時咁啱該男店員見到我，佢又再問我有冇book位，我亦立即答佢我book幾多點，佢叫我喺出面等一等。
等咗一陣，有兩組客人遲過我嚟嘅都入咗去，男店員完全無視我直接同之後嘅客人對電話，我猜測可能我book嘅次序遲過人哋？（但店員從來都冇問過我電話號碼/名，所以佢理應唔知我個次序？）點知到佢閂門嘅時候更加同我對望咗一眼就閂咗門，完全冇諗住同我講我係要繼續等定點？當時都過咗我book嘅時間，亦唔見得裡面仲有吉位。
完全感到被無視同唔知要等到幾時嘅情況下，即刻過咗對面間2soon cafe，唔洗等位又好食～
之後同朋友講返成個過程，朋友表示佢上次食嘅時候已覺得環境較逼，餐廳店員上菜時亦唔識望住張枱就擺低碟嘢，差啲跌落地……
未食到已取消bookmark，附近都有好多cafe，唔需要去依度了～
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
環境
服務
衛生