漁釧 (將軍澳中心) (已結業)

樓下有間日本餐廳，番屋企一直經過但都無入去食飯，今日媽咪話唔想煮飯，就入左去試下好唔好食先。今次食飯得我地2個人所以就叫左唔係好多野。極上四色刺身，入面有厚切切角三文魚，吞拿魚魚溶，赤蝦同鮮甜帶子。入面都幾多魚生，帶子新鮮鮮甜好味，吞拿魚魚溶夠滑唔會太油膩，三文魚夠大粒魚油剛剛好。海蝦天婦羅，即叫即炸，外脆內暖，脆漿好薄食落去卜卜脆。鐵板牛油焗帶子，估唔到都有六粒，大小適中粒粒平均，外層用鐵板烤過，外層有小小蕉香，而且好有牛油香味，食落香口配有小小生菜減一下油膩感。壽司7點盛+鐵火卷3點，有赤蝦、三文魚、鰻魚、吞拿魚，油金魚，吞拿魚魚溶，吞拿魚小卷。赤蝦同其他魚生都新鮮夠晒甜。有唔同款式試下一點都唔會太單調。我地無點野飲，員工都好熱心為我地不斷加水。