八月茶室 (新港中心)

營業中

休息中

今日系尖沙咀收工，系呢度食嘢大多收服務費同食得慢都被人趕，於是就搵間茶記食，貪大件夾抵食又坐得舒服。#八月茶室 分店位於尖沙咀新港中心，除店舖面積好大，乾淨衛生，冷氣夠凍，食物質素有保證。6001.招牌酸菜魚（小）-188.00店家嘅酸菜魚絕對係招牌菜之冠呀！基本配菜有酸菜、菇、萵筍、芽菜、芫荽，而湯底有寬薯粉仲要唔洗額外加錢。即使份量屬（小）魚塊足夠二人分享，而鱸魚肉質非常嫩滑，先飲幾啖湯再食鱸魚片，感覺麻麻的勁過癮！6310. 金銀蛋浸時菜-74.00菜量都算多，白菜仔煮得唔會過腍又幾甜!  而湯下面啲肉碎、皮蛋同咸蛋碎可一齊食，仲可飲到兩啖湯。6012.川辣辣子雞丁-90.00 一送上黎就聞到辣椒香，用左蔥、腰果、花椒等等香料一齊炒，炒到金黃色嘅雞丁，雞丁香脆肉嫩， 非常惹味!龍鳳可樂-28.00&紅豆冰-30.00用傳統得咸柑桔和鮮檸檬作龍鳳，酸咸解喝！ 白飯(2個)-24.00總結：環境舒服，價錢親民，適合一班知己朋友，食嘢傾計好去處！