影片
更多
2013-08-27
3735 瀏覽
往往朋友仔生日，就會想買D平時自己一直想試但又無籍口去買既野返嚟。終於等到朋友仔生日，睇咗好多CAKE SHOP，但兩個人若果買一個蛋糕返嚟通常係食唔晒，因為食嚟食去都係一種味道。最後就會放係垃圾桶到，始終都係浪費咗D食物，所以今次決定買幾年TONY WONG 自己一直想試既款式返嚟(有私心)，當BIRTHDAY CAKE，哈。行完SOGO，過兩條街嚟到TONY WONG間CAKE SHOP，果然件件都好靚靚吖，即刻Search有無我之前係食評見到既ruby diamond。可惜…..服務態度一般吧，幸好，我望入去都仲有一個職員問我要d乜，仲好小心幫我放個冰包入去。於是揀咗4件，分別係1.) Ruby Diamond2.) Mango tart3.) One two tea4.) Chocolate Rose食完晚飯，拎盒蛋糕出嚟，朋友仔都驚係一整個，因為食咗飯已經飽咗7成，跟著佢一打開見到個玫瑰花，叫咗一下，跟著就話件件都好靚吖，好似件藝術品咁！One two tea 係淡淡的伯爵茶味道，很清，朋友仔一食就話好特別，但我覺得外表普通所以無幫佢影獨照Mango tart上面既芒果好好味
終於等到朋友仔生日，睇咗好多CAKE SHOP，但兩個人若果買一個蛋糕返嚟通常係食唔晒，因為食嚟食去都係一種味道。最後就會放係垃圾桶到，始終都係浪費咗D食物，所以今次決定買幾年TONY WONG 自己一直想試既款式返嚟(有私心)，當BIRTHDAY CAKE，哈。
行完SOGO，過兩條街嚟到TONY WONG間CAKE SHOP，果然件件都好靚靚吖，即刻Search有無我之前係食評見到既ruby diamond。
可惜…..服務態度一般吧，幸好，我望入去都仲有一個職員問我要d乜，仲好小心幫我放個冰包入去。
於是揀咗4件，分別係
1.) Ruby Diamond2.) Mango tart
3.) One two tea
4.) Chocolate Rose
食完晚飯，拎盒蛋糕出嚟，朋友仔都驚係一整個，因為食咗飯已經飽咗7成，跟著佢一打開見到個玫瑰花，叫咗一下，跟著就話件件都好靚吖，好似件藝術品咁！
One two tea 係淡淡的伯爵茶味道，很清，朋友仔一食就話好特別，但我覺得外表普通所以無幫佢影獨照
Mango tart上面既芒果好好味，夾住d cream又唔太甜，好味，係唯獨是個餅低有點硬
Ruby diamond先將鑽石分開一半，面層係脆皮朱古力，不過隻手唔覺意掂到，手指變咗紅色，但入面真係好好好好味，基本上係cream，仲要完全係似金莎入面嗰d榛子醬，再加小許海棉蛋糕係入面，正！隔離有粒貼滿金箔既係hazelnut，餅底塊餅就無咩味。
Chocolate rose ($113)絶對係比佢外表吸引咗，dark chocolate做既花瓣較為苦澀，但朱古力唔係細滑嗰種，所以食咗小小基本上放棄，內裏係朱古力cream+脆米，好味既，但試一次就夠。朋友好開心，影咗好耐，再等tony wong下次出新款再食過，不過真心希望職員可以望到人….唔係係咁傾計。
張貼
