Brass Spoon (已易手)

平心而論，佢嘅牛肉河粉湯底係正嘅，牛肉同配料都係上乘，不過就稍嫌分量少啲，價錢偏高但係唔會食得飽。最大問題係佢個舖位本身都唔係大，座位密質質，全部唯一一張長枱嘅枱尾四尺半位竟然擺咗兩個位。加埋左右兩個位，四個人頭堆埋一齊食嘢都幾令人感到不安。我留意之前都係擺一個位，估唔到依家疫情嚴重，好多食肆都擺疏啲位，佢竟然反其道而行！我問其中一個職員可唔可以攞走一個位，佢一口拒絕，仲話佢地都要做生意㗎！唉！君子歛財，取之有道! 賺錢都要顧及顧客嘅安全同感受啊！尤其係佢嘅門口已經長期有人龍，少一個位，做好啲服務得唔得?！