BaBo The Drink Shop (已結業)

本來我對台飲真不感冒，但自從在老虎堂飲了一杯眼前一亮的黑糖珍奶，真心著迷了！加上全城瘋狂，作為盡忠職守的foodie, 決意要尋覓一間全城最強的黑糖珍奶但是世界是好殘酷，當你飲到一次好既，多數飲返十次衰既，就例如呢杯咁...話說諗住由灣仔行去銅鑼灣，目的地就係幸福堂，行下行下之際，就見到呢間新開的台飲店，細細間幾精緻，見到仲係有買黑糖珍奶，基於好奇心下，決定轉戰呢間先，幸福後續。新開鋪人不多（不論是員工/客人），所以唔算等好耐。同朋友一人一杯，一飲...出事好甜，甜到一個點，雖然唔俾調甜度，都冇理由甜到咁。沒層次，奶味同黑糖味都唔夾（其實都冇乜黑糖味），真心同朋友飲左幾啖都白旗已舉，完全列入冇下次區域。