影片
更多
2022-09-19
710 瀏覽
The Drawing Room ( St. Regis) 每月一TEA今次嚟到St.Regis The Drawing Room🫶🏻其實兩年幾前已經食過，一路都係我心目中嘅Top one🎉今次難得朋友book到，又可以嚟試吓究竟出色咗還是退步咗😍Tea Set同其他酒店唔同，呢度係冇Tea set for two😅幾多人食都係每位計$478+10%。每人包一壺茶，四件鹹點，四件甜點仲有兩個Scone。聽落好似唔係好多但係食完我哋都好飽🤣首先呢度比較特別係會有一個12格嘅盒裝住每款茶葉，店員會一一講解，等我哋更加輕易揀到自己鍾意嘅茶🫖最後我揀咗桂花烏龍，入口好清甜，配上糕點一流。先講鹹點，店員推trolley過嚟介紹，每人可以選四件，同上次相比，覺得Size細咗，但係精緻咗😝而且真係冇令我失望，四件都好好味!!!尤其是鵝肝三文治，油脂好香，好creamy😋配上酸酸甜甜嘅車厘子醬，好夾又唔膩。另外三件其實都好正，全部口感都豐富，唔單一，滿足。接着我哋就食Scone，一個提子一個原味，總共配上四款醬，clotted cream，牛油。鬆餅好酥脆，我就覺得可以再重牛油味多啲，反而啲醬有驚喜☺️
每月一TEA今次嚟到St.Regis The Drawing Room🫶🏻其實兩年幾前已經食過，一路都係我心目中嘅Top one🎉今次難得朋友book到，又可以嚟試吓究竟出色咗還是退步咗😍
Tea Set同其他酒店唔同，呢度係冇Tea set for two😅幾多人食都係每位計$478+10%。每人包一壺茶，四件鹹點，四件甜點仲有兩個Scone。聽落好似唔係好多但係食完我哋都好飽🤣
首先呢度比較特別係會有一個12格嘅盒裝住每款茶葉，店員會一一講解，等我哋更加輕易揀到自己鍾意嘅茶🫖最後我揀咗桂花烏龍，入口好清甜，配上糕點一流。
先講鹹點，店員推trolley過嚟介紹，每人可以選四件，同上次相比，覺得Size細咗，但係精緻咗😝而且真係冇令我失望，四件都好好味!!!尤其是鵝肝三文治，油脂好香，好creamy😋配上酸酸甜甜嘅車厘子醬，好夾又唔膩。另外三件其實都好正，全部口感都豐富，唔單一，滿足。
接着我哋就食Scone，一個提子一個原味，總共配上四款醬，clotted cream，牛油。鬆餅好酥脆，我就覺得可以再重牛油味多啲，反而啲醬有驚喜☺️第一次見有榛子味，比起平時嘅果醬有新鮮感。
最後就係甜點，都係一樣可以選四件。相比鹹點，覺得甜點更加合我心意🥰真係八款都咁吸引，好難選擇。最後同朋友揀咗啲唔同嘅，咁就可以試多幾款🤣最出色一定係lemongrass青蘋果千層酥，真係未食過呢個配搭，兩樣都好清新，千層酥脆卜卜，一試難忘。第二款推介係朱古力蛋糕，看似普通，但係朱古力味真係好濃好滑，無法抗拒。
總括嚟講，加一後人均五百幾蚊，絕對唔係平，所以期望會更高，但係無論環境，食物質素，員工等等加埋嘅體驗，絕對係值呢個價錢。一定會再有下次，因為The Drawing Room依然係我最鍾意食嘅Tea😊
張貼
