Yogo Frozen Yogurt (已結業)

第一次黎食嗰陣就知道短期內一定會再黎，所以諗住食評一次過寫。 : )原來 Yogo 就喺丹麥餅店附近，門面一新一舊真係好大對比 : DDD 第一次黎試食左yogurt，最後揀左綠茶味加oreo同牛乳朱古力粒toppings試真啲先發覺味道有啲怪，可能因為yogurt本身酸酸地同綠茶唔係咁夾，同埋綠荼味太弱唔夠呢。toppings都係揀返脆啲嘅會比較好，朱古力粒食落去好似咬緊一粒粒粉團咁 >< 今次黎成間舖得我地無其他人所以好靜，邊食邊聽入面播緊fort minor嘅 where'd you go 真係特別有feel /._.\ 我地食完仲留左一陣望吓啲裝飾。真係鐘意呢度嘅環境，好有心思喔 : )))第二次黎好多人 ._. 無得好似上次咁嘆添 :"P 仲有已經唔俾影相嚕 /._.\ 今次唔使試食，揀左荔枝味yogurt加oreo﹑朱古力曲奇同甜甜圈toppings一食就知今次揀啱喇 : ))) 酸yogurt加埋荔枝味好夾呢 : p 仲有toppings全部都係脆的，一脆一軟好有咬口 :3 下次再黎一定會揀返朱古力曲奇 topping同試埋mochi : )))