Holly Brown (已結業)

天氣咁熱，又好耐無食過Holly Brown，今次就試左哩個Mint + Brownie 嘅炒雪糕！盛惠$60佢嘅薄荷味雪糕好難食啊，隻味有點假（令我諗起d生果味藥水）、太甜😓雀巢嘅薄荷味雪糕仲食！職員都炒得好hea🤣，是鬼但撈埋一齊就算。個窩夫餅都唔夠香脆！無乜窩夫本身 vanilla 味！好薄身！Brownie 味道都差，大陸朱古力嘅味道60蚊咁嘅質素真係好唔抵啊！佢嘅鋪位都算大，容易拎位置，坐低慢慢食！不過朗豪坊仲有另外幾間雪糕店同佢競爭，我下次一定會幫襯其他雪糕店！