影片
更多
2022-12-18
90 瀏覽
喺葵芳搵食，見到呢間餐廳有Festive Menu，印象中呢間夜晚係要單點，有餐嗌係抵食啲嘅，$268一位包頭盤同主菜～🔘Chestnut SoupSourdough麵包非常好食，煙靭度剛好，夠熱又夠脆，飲住甜甜嘅栗子湯好有冬天嘅感覺，加咗幾粒脆脆嘅豬肉乾，幾鍾意呢種鹹鹹甜甜嘅口感!!🔘Grilled Pumpkin & Beetroot Salad一啲都唔Hea嘅沙律，食材種類非常多，有烤南瓜、紅菜頭、南瓜子、藜麥、菲達芝士、杏仁片、合桃、車厘子等等...🔘Turkey Ballotine Delight臨近聖誕梗係要食火雞卷，竟然一啲都唔鞋，仲保持到肉質幾濕潤，點紅莓醬一齊食有另一番風味，火腿扒發揮正常，薯蓉有松露味口感順滑，另外都幾鍾意炒椰菜仔，唔會苦又健康!! 🔘Hearty Roast Beef 烤牛肉望落好粉嫩，大約五成熟肥瘦適中，我哋鍾意配mustard食，要另外叫店員攞!! 如果個餐包埋嘢飲會更加好，初初以為呢間餐廳好細，但原來轉左入去係有好大空間，嚟到豬嘅專門店今次竟然冇食到豬手，留返下次~
🔘Chestnut Soup
Sourdough麵包非常好食，煙靭度剛好，夠熱又夠脆，飲住甜甜嘅栗子湯好有冬天嘅感覺，加咗幾粒脆脆嘅豬肉乾，幾鍾意呢種鹹鹹甜甜嘅口感!!
🔘Grilled Pumpkin & Beetroot Salad
一啲都唔Hea嘅沙律，食材種類非常多，有烤南瓜、紅菜頭、南瓜子、藜麥、菲達芝士、杏仁片、合桃、車厘子等等...
🔘Turkey Ballotine Delight
臨近聖誕梗係要食火雞卷，竟然一啲都唔鞋，仲保持到肉質幾濕潤，點紅莓醬一齊食有另一番風味，火腿扒發揮正常，薯蓉有松露味口感順滑，另外都幾鍾意炒椰菜仔，唔會苦又健康!!
🔘Hearty Roast Beef
烤牛肉望落好粉嫩，大約五成熟肥瘦適中，我哋鍾意配mustard食，要另外叫店員攞!!
如果個餐包埋嘢飲會更加好，初初以為呢間餐廳好細，但原來轉左入去係有好大空間，嚟到豬嘅專門店今次竟然冇食到豬手，留返下次~
張貼
