影片
更多
2024-09-13
1577 瀏覽
之前同朋友食過Sunday Brunch，感覺唔錯，於是決定帶屋企人嚟食，搞下新意思，唔好成日食中餐飲茶咁悶。當然會有家人覺得唔方便，中環SOHO區唔係個個鍾意，諗住試下無壞，可惜屋企人就話地點好唔好。呢間Uma Nota環境真係唔錯，今次食完第二次都覺得冇特別跌Watt，剩係幾個前菜可以任食，都覺得值回票價，似乎更適合同朋友食。前菜有幾個， 池魚用上唐辛子墨西哥辣椒虎乳汁，加上芫荽油，個種異國風情絕對令人開胃。青口、巴西油醋汁、青辣椒汁，以日系做海鮮嘅手法，加上巴西嘅醬汁，清新同濃烈交錯，當然令人難忘嘅係個巴西油醋汁，好襯青口。木薯芝士粒配甜辣醬係當地嘅街頭小吃，記得上次嚟食嘅時候都冇呢個小食，大推。味噌茄子、腰果、羊乳酪係類似地中海嘅做法，又係令人開胃嘅前奏，前菜任食 ，基本上全來多一round。主菜有四個選擇，選了香燒春雞，新薯青醬，同雞件上嘅蕃茄整體都好夾，相信呢個如果襯意粉應該好好食。另外就算加錢也要點炭烤草飼牛西冷、烤粟米、香蒜木薯，巴西做牛最叻，可惜今日用上的不是南美的牛，少了一點草原的感覺是日甜品同飲品都係強烈的南美風，而又有日本人的細緻，整體感覺同第一次食分別不大，以
之前同朋友食過Sunday Brunch，感覺唔錯，於是決定帶屋企人嚟食，搞下新意思，唔好成日食中餐飲茶咁悶。
當然會有家人覺得唔方便，中環SOHO區唔係個個鍾意，諗住試下無壞，可惜屋企人就話地點好唔好。
呢間Uma Nota環境真係唔錯，今次食完第二次都覺得冇特別跌Watt，剩係幾個前菜可以任食，都覺得值回票價，似乎更適合同朋友食。
前菜有幾個， 池魚用上唐辛子墨西哥辣椒虎乳汁，加上芫荽油，個種異國風情絕對令人開胃。
青口、巴西油醋汁、青辣椒汁，以日系做海鮮嘅手法，加上巴西嘅醬汁，清新同濃烈交錯，當然令人難忘嘅係個巴西油醋汁，好襯青口。
木薯芝士粒配甜辣醬係當地嘅街頭小吃，記得上次嚟食嘅時候都冇呢個小食，大推。
味噌茄子、腰果、羊乳酪係類似地中海嘅做法，又係令人開胃嘅前奏，前菜任食 ，基本上全來多一round。
主菜有四個選擇，選了香燒春雞，新薯青醬，同雞件上嘅蕃茄整體都好夾，相信呢個如果襯意粉應該好好食。
另外就算加錢也要點炭烤草飼牛西冷、烤粟米、香蒜木薯，巴西做牛最叻，可惜今日用上的不是南美的牛，少了一點草原的感覺
是日甜品同飲品都係強烈的南美風，而又有日本人的細緻，整體感覺同第一次食分別不大，以$388一位的價錢，絕對可能一試。
張貼
