The Pudding Nouveau (已結業)

一直都有人話大坑美食多 每間餐廳又各有主題特色 今次我就決定同朋友去試下🙈之前上網見到呢間餐廳新開有優惠 所以就去試下！呢到其實主打嘅正餐同甜品都咁受歡迎 但我地未食飯嘅關係就先試試呢度嘅正餐先🙈呢到嘅食物有啲都幾特別 因為係出邊好少搵到呢啲組合！首先我哋就嗌咗個招牌法式鴨髀配窩夫呢到菜真係超有驚喜！ 開頭以為鴨髀配窩夫呢個組合會好奇怪 但完全唔係！呢度嘅鴨髀本分整得已經好冧 再配合埋窩夫同埋蛋(本身係流心蛋 但個fd食唔到生所以整熟左🙄) 成個口感好豐富！之後我就帶咗個龍蝦牛角酥配薯條呢度菜值得一提嘅係佢薯條嘅醬係用黑松露整成 鐘意嘅朋友黑松露嘅朋友一定好喜歡🙈另外佢嘅牛角酥焗得非常脆！配埋足料龍蝦醬超好食 又有咬口！最後怕唔夠飽仲嗌多左個海鮮咖喱包呢個都有黑松露醬薯條架！個包嘅口感同龍蝦配料都好豐富好足料 但稍為失色嘅就係佢嘅咖喱醬 略為唔係好夠咖喱味同埋乾 但整體上都唔差！成餐最值得推介嘅都係嗰嗰法式鴨髀配窩夫！真係可以一試！👍🏻