麻布十番 (已結業)

兩個幾月無食到壽司，趁今日同老公黎元朗，都要搵間黎食下先得．鋪面唔係好大，所以就限每枱客80分鐘時間．兩位女服務員忙過不停，但亦都會主動向食客加茶．全日免收加一．雞軟骨：炸到金香可口，好有咬感．鰻魚飯定食：估唔到會咁大碗，鰻魚5片，雖則有少少軟骨但食落都OK醬汁味都幾好，椰菜，粟米．麵豉湯－我個人認為淡左少少，飲落有ｄ口乾．三文魚刺身（九件）：賣相唔討好，或者可以話係無添加色素．食落都有ｄ魚既甜味，無筋．軟殼蟹卷（八件）：ｄ飯握得唔實，一夾就散，喱樣需要改善．蟹子沙律：蟹柳少少，椰菜條多多，蟹子亦多多，超大碗．