Urban United Burger & Bar (已結業)

元朗又新街出名多嘢食，今日放工就去又新街搵下嘢食，見到間餐廳裝修有啲特別，而且餐廳入面好多人，就入去試下。 餐牌上面有好多唔同種類嘅漢堡，我叫咗一個b6達拉斯烤菇牛堡，外加一個炸薯條。另外見到佢有個手工啤酒餐牌，入面啲主題同公仔都幾得意，最後試咗個嫦娥朱古力黑啤。 店員首先送上嫦娥朱古力黑啤，仲幫我將啤酒倒入另一個杯上面，係呢個手工啤系列嘅杯，呢杯黑啤入口比較滑，而且有少少朱古力味，味道幾青新。 之後店員送上炸薯條，薯條啱啱炸起身，而且都係粗薯條，口感更佳。薯條炸得啱啱好，唔會太林亦唔會太燶。 店員最後送上達拉斯烤菇牛堡，塊牛肉漢堡係人手打嘅，肉味好重同好有口感，配上車打芝士蕃茄同洋蔥，味道十分夾。