Mi Piace Cafe (已結業)

上次因為冇相，所以食評冇被刋出。今次去已經係第3次，其實每次去都覺得好滿意，因為d野真係幾好食，而且睇得出個廚真係有用心機整。事關我本身係食素，去過好多餐廳，當我發現餐牌冇素食，想佢地求其煮d菜俾我，都未必肯，但係呢度唔同，個侍應nice 好多，而且仲問我食唔食蛋奶，有d乜唔食得，俾我覺得我真係＂being served"！上枱嘅時候，個waitress 仲問我: 睇下可唔可以?食落都唔錯，最少我見到有好多唔同顔色嘅菜，因為素食要食紅黃綠至夠營養的，而且d通粉軟硬度剛剛好，我會帶埋friend 黎試，尤其係素食果d。