湄南 (已結業)

Popwalk都有越式菜，依家免加一，仲有室外坐，喜歡outdoor或帶竉物就最啱啦 。環境都幾優美，好多窗戶，自然光透入。鏡子的反射，增加深度，更有空間感。甚有越南風味的黑白畫。自行落單，印有雲石紋理的紙，很有心思。香茅豬柳湯濛粉($50)，豬柳酥酥的，肉嫩滑，濛粉唔會太稔，仲可以加青檸和辣椒食，更惹味。加$5凍奶茶，都幾順滑。越式雞絲炒邊粉($68)賣相吸引，有豐富的材料，包括雞絲、蝦、豬腩肉、蛋、蘿蔔絲、洋蔥絲、豆腐干、九層塔、九王和花生碎，令到口感很rich，炒粉唔會好油腻，冇黏在一起，食落層次分明。加左越式sauce，帶點甜酸味更好食！