影片
更多
2008-05-19
4 瀏覽
第一篇寫關於迴轉壽司嘅食評, 當然一定要留給我嘅最愛 --- “千両”我對壽司嘅狂熱程度係每個禮拜最少食1-2次, 近年香港嘅迴轉壽司大行其道, 愈開愈多, 每逢當我知道有新店開張, 都一定會去試吓! 由板前第一間响TST嘅總店直到而家已經有超過10間分店 (包括埋板長), 更能見証左迴轉壽司响HK嘅興旺!經過呢幾年嘅research, 暫時都未揾到一間能取代 “千両” 响我心目中No.1回轉壽司嘅位置!! (No.2係板前/板長, No.3係和花亭)相比其它迴轉壽司, “千両”款式確實比其它對手少! 但我”重味”,不重量! 先講千両嘅”飯”, 飯嘅軟硬, 酸味, 黏度都調搞得恰到! 師傅握飯嘅鬆散度又適中 (除左Elements嗰間分店, 成日整到d飯散晒) ! 再加上新鮮配料 (刺身/炸物/沙律/醬汁), 已經做到幾乎完美嘅壽司啦! 再加上千両用嘅Wasabi, 令本身已非常美味嘅壽司, 更加錦上添花!千両用嘅Wasabi唔係一般日本料理/迴轉壽司所用嘅! 佢嘅Wasabi夾雜了細粒嘅糊椒粒, 所以你會見到Wasabi裡邊有好多一點點嘅黑點, 呢種Wasabi配合壽司嚟食所產生
我對壽司嘅狂熱程度係每個禮拜最少食1-2次, 近年香港嘅迴轉壽司大行其道, 愈開愈多, 每逢當我知道有新店開張, 都一定會去試吓! 由板前第一間响TST嘅總店直到而家已經有超過10間分店 (包括埋板長), 更能見証左迴轉壽司响HK嘅興旺!
經過呢幾年嘅research, 暫時都未揾到一間能取代 “千両” 响我心目中No.1回轉壽司嘅位置!! (No.2係板前/板長, No.3係和花亭)
相比其它迴轉壽司, “千両”款式確實比其它對手少! 但我”重味”,不重量!
先講千両嘅”飯”, 飯嘅軟硬, 酸味, 黏度都調搞得恰到! 師傅握飯嘅鬆散度又適中 (除左Elements嗰間分店, 成日整到d飯散晒) ! 再加上新鮮配料 (刺身/炸物/沙律/醬汁), 已經做到幾乎完美嘅壽司啦! 再加上千両用嘅Wasabi, 令本身已非常美味嘅壽司, 更加錦上添花!
千両用嘅Wasabi唔係一般日本料理/迴轉壽司所用嘅! 佢嘅Wasabi夾雜了細粒嘅糊椒粒, 所以你會見到Wasabi裡邊有好多一點點嘅黑點, 呢種Wasabi配合壽司嚟食所產生嘅味覺化學作用, 真係威力無窮!!!!! (化學作用嘅意思係指某d食物要配合另一種食物嚟食先能更突出味覺效果, 例如: 食pizza要配Coke, 煑紅豆沙要配陳皮。 而千両用嘅酸薑亦屬佳品, 食完壽司後食一片, 再食第二件, 更能帶出刺身壽司嘅 ”鮮” !!
推介
1) 軟殼蟹手卷 ($18) -- 不單軟殼蟹可口, 配上牛油果&蔬菜&醬汁, 簡直配合得天衣無逢! 我俾101分!!! (我每次最少食2個!)
2) 日本帆立貝 ($25) – 厚身帆立貝, 極鲜甜, 能比美响日本食嘅質數
另外加洲卷 ($18) ,鰻魚 ($18), 炙燒八爪魚 ($18), 炸煆卷 ($25), 炸墨魚咀 ($30), 䱽尤魚 ($14) 都好好食!!
若要和天勺, 壽司德…等高級壽司店嘅壽司相比, 千両嘅刺身可能不及佢地, 但要記住佢哋嘅價錢係相差好幾倍!! 但單論飯嘅質素和司傅握飯嘅功架, 千両是有過之而無不及!
總結: 千両用大眾化價錢製作高質迴轉壽司, 誠意可加, 食家有福!!
(唔好意思, 寫咗篇好長嘅食評, 因為好想同大家share,希望無悶親!)
張貼
