Wavy Bar & Restaurant

營業中

休息中

尖沙咀新開張既餐廳酒吧，店內有多項娛樂設施，美式桌球、掟飛標、大電視、live band等等，最啱放工同朋友嚟飲下野、吹下水、玩番晚。餐廳而家做緊推廣優惠，凡叫一個小食就會送一杯同價飲品，第二杯可享有半價；仲有燒生蠔$10隻，真心抵。燒生蠔：即叫即燒，肉質飽滿，而且鮮嫩多汁。秘製脆炸雞翼：雞翼肥美厚肉，炸到金黃酥脆，仲有咖哩既香味。傳統芝士肉醬意粉：蕃茄醬酸甜開胃，充滿油香既肉碎令口感提升，在意粉上灑滿芝士碎，烤焗後表面金黃色，半溶芝士仲有拉絲效果，份外邪惡。Mean Mango：芒果特飲，口感酸酸甜甜，味道一流。Lychee Valley：顏色係浪漫既藍色，非常漂亮，入口啖啖荔枝既甜味。總結，餐廳氣氛熱鬧，食物質素有水準，地點方便就腳，以後聚會又多個選擇。