影片
更多
2015-11-15
403 瀏覽
住開呢區，閒日都有黎食過幾次粥，覺得味道不錯。今晚星期日特登約埋父母來試小菜。六點鐘，門口已經好多人，5人位需要等9張枱。不過係假日，所以都明白既。但估唔到呢餐飯，食到我要開account俾負評！等位安排，差！等左一個鐘，終於叫到我地前一個號碼, 我地問，下一張5人仲有幾耐？職員話“執緊枱，2分鐘” 點知等多成十分鐘都唔叫我地，仲開始叫之後的 number?? 忍唔住問佢咩事，佢話“唔好意思，以為你地係7人枱，你地果張未有”！ 我地有大肚婆有老人家，好難得係商場搵到位坐，你唔好咁玩人丫…？插曲：佢叫號碼一般都係叫兩次，冇人就下一個。 但唯獨有一個號碼, 不停叫左6，7次都繼續叫，非常奇怪？！樓面阿姐，極差！剛坐低，阿姐執位，茶竟然是隨手從隔離枱拎來，唔係水吧即沖？雖然以溫度同顏色黎睇，我地既茶應該都係剛沖好無耐，但咁樣做，感覺認真麻麻！到落單，我地講number, 阿姐話，“你講菜名，號碼我唔識聽”， ok, 打算講名時，阿姐留意到原來我地有寫低想點既菜，佢一手就拎起張紙，睇完竟然好差語氣咁話 “你唔可以咁寫！！你講多次呢D係咩” 下…？ 原來佢意思係，我地照menu寫係“唔啱”， “
今晚星期日特登約埋父母來試小菜。六點鐘，門口已經好多人，5人位需要等9張枱。不過係假日，所以都明白既。
但估唔到呢餐飯，食到我要開account俾負評！
等位安排，差！
等左一個鐘，終於叫到我地前一個號碼, 我地問，下一張5人仲有幾耐？職員話“執緊枱，2分鐘” 點知等多成十分鐘都唔叫我地，仲開始叫之後的 number?? 忍唔住問佢咩事，佢話“唔好意思，以為你地係7人枱，你地果張未有”！ 我地有大肚婆有老人家，好難得係商場搵到位坐，你唔好咁玩人丫…？
插曲：佢叫號碼一般都係叫兩次，冇人就下一個。 但唯獨有一個號碼, 不停叫左6，7次都繼續叫，非常奇怪？！
樓面阿姐，極差！
剛坐低，阿姐執位，茶竟然是隨手從隔離枱拎來，唔係水吧即沖？雖然以溫度同顏色黎睇，我地既茶應該都係剛沖好無耐，但咁樣做，感覺認真麻麻！
到落單，我地講number, 阿姐話，“你講菜名，號碼我唔識聽”， ok, 打算講名時，阿姐留意到原來我地有寫低想點既菜，佢一手就拎起張紙，睇完竟然好差語氣咁話 “你唔可以咁寫！！你講多次呢D係咩”
下…？ 原來佢意思係，我地照menu寫係“唔啱”， “梅羔醬燒骨” 要寫成 “燒骨”！！但當我地口述order, 講全名佢又明架喎？what the.....? 而家你係職員定我係職員？？
(部分）小菜份量，奇差！
欖菜肉鬆四季豆，$62，但份量連$30都不如，少得可憐，好似有人食過咁！我可能見識少，真係未見過咁誇張…叫個似係經理既職員過來問，佢滿口鄉音咁話“我地d份量係set 左…” ………但我平日黎食過，唔係咁少囉…
梅羔醬燒骨，$72， 得6件…味道ok既，但，唔係好味到值十幾蚊一件…
咁公平講句，其他菜（魚，蠔餅，粥）份量係正常既，味道都ok.
上菜速度，差！
叫幾個白飯，叫左3次先黎…等到d菜都涼晒…
蠔餅又係食晒其他菜，差不多15分鐘先來。可能weekend 真係太多人？
總結：
茶記格局，茶記service，中上餐廳價錢，收茶錢及加一。
味道中等，比weekday遜色。
主要係service 差，令人食得好唔開心！
以後再來都只會係 weekday 來食粥！
張貼
