影片
更多
2022-11-10
1206 瀏覽
約咗朋友喺旺角食晏，佢係雞翼怪🐔，所以同佢去食「Wingman」就啱晒。我之前喺灣仔店食過雞翼放題，不過由於戰鬥力有限，食唔到幾多，所以散嗌吧。旺角店面積唔大，但環境都算四正，工業風嘅裝潢，再加埋「一齊叫雞」嘅霓虹燈箱，玩味十足🤣，亦睇得出餐廳有特意注入港式元素！雞翼主要分乾身同濕身兩類🍗，我諗係指用醬汁抑或味粉調味，另外再加埋特製款式，總共有成19隻口味可選。乾濕兩類每款$69/6隻，價錢唔算貴，只可惜無得雙併🙈。咖啡香味Espresso BBQ，雞翼表面疑似煎濃咗嘅黑色粉末，☕️應該係磨碎咗嘅咖啡豆粉，食落無渣的，並滲出微微咖啡同朱古力甜香🍫。 同時，雞翼亦混入燒烤粉，令佢多返少少鹹味。依款口味好特別，溝完出嚟無違和感，味道自然。水牛城醬Buffalo，呢款經典美式口味嘅雞翼無令人失望🇺🇸，醬汁調味正宗，夠重口味，但如果有埋西芹同藍芝士作伴就完美。其實餐廳嘅水牛城雞翼有兩種辣度可選，我揀咗較溫和嗰款，但辣度都顯著，不過唔過火🌶。黑松露芝士忌廉汁通粉Truffle Mac N' Cheese($85)，細心留意發現餐牌上有唔少雞翼以外嘅食物，🧀Mac n Cheese算係比較飽肚嘅一款
約咗朋友喺旺角食晏，佢係雞翼怪🐔，所以同佢去食「Wingman」就啱晒。我之前喺灣仔店食過雞翼放題，不過由於戰鬥力有限，食唔到幾多，所以散嗌吧。
旺角店面積唔大，但環境都算四正，工業風嘅裝潢，再加埋「一齊叫雞」嘅霓虹燈箱，玩味十足🤣，亦睇得出餐廳有特意注入港式元素！
雞翼主要分乾身同濕身兩類🍗，我諗係指用醬汁抑或味粉調味，另外再加埋特製款式，總共有成19隻口味可選。乾濕兩類每款$69/6隻，價錢唔算貴，只可惜無得雙併🙈。
咖啡香味雞翼
$69
30 瀏覽
0 讚好
0 留言
水牛城醬雞翼
$69
50 瀏覽
0 讚好
0 留言
黑松露芝士忌廉汁通粉
$85
23 瀏覽
0 讚好
0 留言
黑松露芝士忌廉汁通粉Truffle Mac N' Cheese($85)，細心留意發現餐牌上有唔少雞翼以外嘅食物，🧀Mac n Cheese算係比較飽肚嘅一款。通粉同平日不一樣，因為唔係拎去焗，反而似汁撈多啲。通粉造型平實，口感彈牙，面頭被芝士碎同麵包脆粒所遮蓋，食落難得唔覺膩，兼且仲富有黑松露香🍄。
杏仁麵包糠炒澳洲西蘭花苗Sauteed Broccolini($75)，🥦西蘭花苗唔係好多地方有得食。菜苗以蒜頭炒香，再醒埋杏仁粒同麵包糠，雖然煮法簡簡單單，不過經已幾惹味，但我就略嫌份量少啲🙈，唔夠喉。
Rosy Lemonade($60)，粉紅色嘅檸檬梳打多咗份可愛💕，老實講玫瑰味就無乜，但青檸味就好突出，並非求其落兩片檸檬就算🍋，所以飲落都幾清新醒神，又唔會太甜。
總括嚟講，Wingman雞翼名不虛傳😋，物以罕為貴，唔係任食更加覺得好食。呢日食嘅兩款口味我都好鍾意，一濃一淡啱啱好，而其他小食亦都唔錯👍。
張貼
