影片
更多
2015-08-28
9555 瀏覽
Morton's of chicago今日係我生日，雖然我唔係steak lover，但高級餐廳嘅steak就一試無妨，所以早就想試下呢間餐廳。環境一入餐廳有bar同幾張bar枱，俾大家happy hour或等位時飲兩杯。行入少少就係用餐地方。老公一個月前已經book位，但都book唔到窗口位，不過唔緊要啦，餐廳有落地大玻璃，所以就算我地張枱喺餐廳中間，都睇得好清楚夜景。不過枱與枱之間幾近，加上有啲食客傾得興起大笑，所以真係幾嘈。食物由於我倆都唔大食，所以諗住share。order無耐就送上大如頭嘅洋蔥包，熱辣辣，有淡淡嘅洋蔥味，甜甜地，鬆軟好味。我地怕太飽，所以食左五分二，其餘打包喇。前菜叫左jumbo lump crab cake ($160)。crab cake大約女仔手心咁大，好多蟹肉，一梳梳咁，好鮮甜，加少少檸檬汁或蛋黃醬無咁油膩更好味。另外叫左個洋蔥湯 ($150) share，餐廳好細心咁分兩細碗咁焗。每碗有大量洋蔥，所以湯充滿洋蔥甜味，仲帶有少少黑椒味，質地幾杰，近乎洋蔥汁咁。另有一小件麵包浸喺湯入面，同焗芝士，芝士幾有咬口，可以拉絲，我覺得唔錯，老公就覺得太多，所以俾
Morton's of chicago
今日係我生日，雖然我唔係steak lover，但高級餐廳嘅steak就一試無妨，所以早就想試下呢間餐廳。
環境
一入餐廳有bar同幾張bar枱，俾大家happy hour或等位時飲兩杯。
行入少少就係用餐地方。老公一個月前已經book位，但都book唔到窗口位，不過唔緊要啦，餐廳有落地大玻璃，所以就算我地張枱喺餐廳中間，都睇得好清楚夜景。不過枱與枱之間幾近，加上有啲食客傾得興起大笑，所以真係幾嘈。
食物
由於我倆都唔大食，所以諗住share。order無耐就送上大如頭嘅洋蔥包，熱辣辣，有淡淡嘅洋蔥味，甜甜地，鬆軟好味。我地怕太飽，所以食左五分二，其餘打包喇。
前菜叫左jumbo lump crab cake ($160)。crab cake大約女仔手心咁大，好多蟹肉，一梳梳咁，好鮮甜，加少少檸檬汁或蛋黃醬無咁油膩更好味。
另外叫左個洋蔥湯 ($150) share，餐廳好細心咁分兩細碗咁焗。每碗有大量洋蔥，所以湯充滿洋蔥甜味，仲帶有少少黑椒味，質地幾杰，近乎洋蔥汁咁。另有一小件麵包浸喺湯入面，同焗芝士，芝士幾有咬口，可以拉絲，我覺得唔錯，老公就覺得太多，所以俾左我食埋。
之後主菜centre cut prime ribeye 16oz ($658)就嚟喇。order時請教過waiter邊個部位較軟淋，佢話牛柳就最淋，但ribeye就多汁，所以較受歡迎，佢就介紹我地食centre cut prime ribeye喇。由於我想食五成，而老公想要七成，waiter就話可以分成兩份唔同生熟程度，真係好。ribeye真係juicy同幾淋，用左少少鹽、黑椒調味，好味呀。我地亦有點少少mustard，都幾好。我件ribeye比較肥，有一截肥膏，因為我怕肥，所以切走左。
其實差不多食完都已經好飽喇，但因為生日，餐廳會送上插上蠟燭嘅lemon souffle，伴上雲呢拿汁。souffle好香檸檬味，但食落就無咩檸檬味，甜味較高，加上雲呢拿汁，幾香甜。雲呢拿汁好似有少少酒味。
另外見到waiter會捧住是日甜品，有creme brulee, cheese cake等等，份量都唔太細，可惜太飽，惟有下次再品嚐！
服務
Waiter好細心，見我大肚，主動問我要唔要cushion。order時仲提醒我湯加左少少酒，煮後會揮發。又話好多大肚客人都要戒口，唔食牛，問我需唔需要叫其他肉類，但我貧血，反而要食多啲牛，仲破戒食左crab cake，不過我好appreciate佢咁細心。最後可以填返個人資料，會寄返$150 refreshment coupon下次用。
張貼
