影片
更多
2015-11-05
1989 瀏覽
今日同嬌嬌慶祝生日，八點先收工，既要行街又要食飯，所以揀咗係尖沙咀，之前想嗰個排行榜嘅Yayakiya！睇到佢哋嘅串燒同海膽賣相幾吸引，環境都幾好咁，所以就即刻book枱啦！開放式嘅大門，近門口有雙人高枱，見大家都傾得好開心，再入啲就有兩張八至十人大枱，及二至六人枱，燈光較暗又播住音樂，氣氛都唔錯。一品料理中價錢$30-78，串燒$26-78。Namakemono $88平時心大心細都唔係好識選擇cocktail，今次店員就好醒目，問我鐘意咩味道，想杯飲品係咩顏色 (佢知我要影相 哈哈) ，所以就揀咗呢杯有蘋果、異奇果嘅cocktail，飲落仲有啲 wasabi嘅辛辣，幾過癮。海膽威化 $48/件呢個係最期待嘅，亦係餐廳特色菜，威化半開咁送上，夾住海膽、魚子顏色鮮豔，同埋經調味嘅飯，食起黎起唔會整污糟手指添 ，好方便和牛壽喜燒串(跟蛋黃) $55 /串之前食過好多一流嘅壽喜燒，但都係第一次見人用串燒上菜，夠新鮮！牛肉非常嫩滑，帶有濃郁醬油味，壽喜燒就當然要配新鮮雞蛋黃，令牛肉更滑更香！伊比利亞黑毛豬肉串 $48 /串係西班牙，傳統嘅伊比利亞火腿係有法定產區，呢款美食係西班牙入面佔據一個
開放式嘅大門，近門口有雙人高枱，見大家都傾得好開心，再入啲就有兩張八至十人大枱，及二至六人枱，燈光較暗又播住音樂，氣氛都唔錯。一品料理中價錢$30-78，串燒$26-78。
Namakemono $88平時心大心細都唔係好識選擇cocktail，今次店員就好醒目，問我鐘意咩味道，想杯飲品係咩顏色 (佢知我要影相 哈哈) ，所以就揀咗呢杯有蘋果、異奇果嘅cocktail，飲落仲有啲 wasabi嘅辛辣，幾過癮。
海膽威化 $48/件呢個係最期待嘅，亦係餐廳特色菜，威化半開咁送上，夾住海膽、魚子顏色鮮豔，同埋經調味嘅飯，食起黎起唔會整污糟手指添 ，好方便
和牛壽喜燒串(跟蛋黃) $55 /串之前食過好多一流嘅壽喜燒，但都係第一次見人用串燒上菜，夠新鮮！牛肉非常嫩滑，帶有濃郁醬油味，壽喜燒就當然要配新鮮雞蛋黃，令牛肉更滑更香！
伊比利亞黑毛豬肉串 $48 /串係西班牙，傳統嘅伊比利亞火腿係有法定產區，呢款美食係西班牙入面佔據一個重要嘅地位，加上黑毛豬嘅吸引力，所以呢款我特別鍾意。令我哋驚喜係咬落似和牛咁入口即溶，中間夾一份虎尖椒，當作一個緩衝，等下一啖品嚐嗰時更美味，最正嘅係配上黑松露海鹽，絕對係一個岀色嘅配搭！
北海道海膽卷 $128手卷拼成花形，都唔捨得郁佢一下，用筷子夾起時，偷偷將海膽一齊帶走，好似玩遊戲咁，要用方法食到最多嘅，幾鮮味美嘅，手卷中間有青瓜絲卷埋，結果當然全部清晒！
平均消費 $259, 2位，2份頭盤＋4串串燒＋1份壽司＋2杯飲品Yayakiya
尖沙咀漆咸道29-31號溫莎大廈地下10-12B號舖
Tel: 2723 9833
張貼
