甘味讚岐手打烏冬 (已結業)

又係係apm睇完戲搵野食既時候，見到有我地鐘意既美食之一 : 手打烏冬，一定要試下啦。呢度係食手打烏冬為主，叫左2個，一個香蒜雞絲蕃茄湯烏冬，一個雜錦鍋燒烏冬蝦天婦羅。香蒜雞絲蕃茄湯烏冬 : 蕃茄湯好濃，配埋新鮮蕃茄，所以個湯底好正，好飲，好足料。而烏冬都彈牙，雞絲就一般，不過好多料，食曬都飽飽地，正體唔錯，有機會可以試埋其他蕃茄湯烏冬。雜錦鍋燒烏冬蝦天婦羅 ; 呢個就有d失望啦，第一，佢唔熱，只係暖，暖又點好食呢?第二，蝦天婦羅好細隻，同埋成個湯底都一般，真係有d失望呀。正體都唔錯，個價錢都唔貴，平均一碗$40左右，我會推介佢既蕃茄湯烏冬系列，真係好幾好食。