影片
更多
2021-08-05
907 瀏覽
放假嚟銅鑼灣決定大吃大喝！！揀左一間酒店內既omakase，對自己好d，果然冇令到我失望！酒店級數既服務，環境舒服，未食已經感受到同普通omakase既不同。一坐底，著西裝既經理已經擺底一杯熱茶、一條熱毛巾，作為客人真係十分享受。今日服務我地既師傅來自日本，經理會以日語幫我地同師傅溝通同講解返每一道菜，加深我地對日本飲食文化同食材既了解，唔止食野仲令我地上左一課！首先黎既係前菜，枝豆豆腐，估唔到呢兩種食材可以夾埋一齊，豆腐質感變鬆軟，帶有小小枝豆味，配上自制酸汁，十分新奇及開胃。之後就進入壽司環節，第一道係來自福岡既間白魚，間白魚較清新，配上赤醋飯，突顯到魚肉本來既鮮味同清新感。第二道有北海道既八爪魚，八爪魚就較為爽口，師傅好細心，問我地對wasabi既接受程度，兩者加埋就係新鮮爽口。第三道係靜岡池魚配蔥蓉，池魚本來都算清新既魚類，配上特制香蔥蓉，呢道就更顯師傅既獨特風味！好夾之餘魚味又夠出，一試難忘。第四道鹿兒島赤身醬油漬，赤身魚肉味出，配上醬油食落滿足😜。第五道係靜岡比目魚，相對魚肉較鬆軟，入口即溶好好味！第六道又返到鹿兒島中靜羅，入口即溶，魚油油脂散落滿口，真係想慢慢感受呢陣魚香
酒店級數既服務，環境舒服，未食已經感受到同普通omakase既不同。一坐底，著西裝既經理已經擺底一杯熱茶、一條熱毛巾，作為客人真係十分享受。
今日服務我地既師傅來自日本，經理會以日語幫我地同師傅溝通同講解返每一道菜，加深我地對日本飲食文化同食材既了解，唔止食野仲令我地上左一課！
首先黎既係前菜，枝豆豆腐，估唔到呢兩種食材可以夾埋一齊，豆腐質感變鬆軟，帶有小小枝豆味，配上自制酸汁，十分新奇及開胃。
之後就進入壽司環節，第一道係來自福岡既間白魚，間白魚較清新，配上赤醋飯，突顯到魚肉本來既鮮味同清新感。
第二道有北海道既八爪魚，八爪魚就較為爽口，師傅好細心，問我地對wasabi既接受程度，兩者加埋就係新鮮爽口。
第三道係靜岡池魚配蔥蓉，池魚本來都算清新既魚類，配上特制香蔥蓉，呢道就更顯師傅既獨特風味！好夾之餘魚味又夠出，一試難忘。
第四道鹿兒島赤身醬油漬，赤身魚肉味出，配上醬油食落滿足😜。
第五道係靜岡比目魚，相對魚肉較鬆軟，入口即溶好好味！
第六道又返到鹿兒島中靜羅，入口即溶，魚油油脂散落滿口，真係想慢慢感受呢陣魚香味～
第七道就以三文魚子同海膽做個小丼飯，師傳比左成板海膽我地慢慢影😍，配上三文魚
子，大滿足！
最後一件就係火炙東京深海鰻魚，火炙後鰻魚魚油逼晒出黎，香口油脂感滿足，壽司部分真係好滿意好滿足😌。
之後會有個麵豉湯比我地做個小結，清一清口腔。同埋師傅以牛蒡、蘿蔔、青瓜做左3個小卷比我地，特別一提既係牛蒡小卷非常好食，軟淋又夠入味。
最後最後，配以玉子燒同生果作結。玉子燒超級好食😋！鬆軟綿密，外面軟綿彈牙，裹面鬆軟香滑，明顯同外面既玉子燒成極大對比！生果則以時令水果為主，包括提子🍇同白桃，提子香甜多汁，帶有小小葡萄香，為呢餐延續清新既感覺。
整體而言，無論食物質素、用餐環境、服務態度都達至完美水準！壽司🍣部分之間甚至會提供熱毛巾比客人抹手，茶亦因應不同食物而奉上綠茶/玄米茶，所有細節都為客人著想，真係超級滿意滿足🥰。
張貼
