影片
更多
2024-01-05
120 瀏覽
地址－老媽拌麵 (將軍澳中心)將軍澳唐德街9號將軍澳中心1樓133號舖💋川味紅燒三寶牛肉湯麵(刀削麵)，上菜後第一件事就先呷一呷個湯底先，湯底味道濃郁，但又唔會過鹹，唔錯，而佢牛三寶係牛筋，牛肚及牛展，牛味勁香濃，鹵水汁勁入味，又好軟淋的口感，而佢刀削麵食落麵質勁爽口彈牙，整體感覺唔錯。💋秘醬黑毛豬紅蔥醬油拌麵(幼麵)，好似每張枱的教學咁，影完相就可以撈黎食XD，經過一段時間的努力後，終於可以令每一條麵條都沾滿了紅蔥油醬汁，味道偏輕盈，但味道係足夠的，食得出有淡淡的紅蔥香味，而我今次揀左幼麵，雖然冇刀削麵咁有咬口，但因為佢能夠充份咁沾滿左醬汁，出黎的效果真係好唔錯，而配埋黑毛豬爽口的口感，一軟一爽，感覺好特別，正。💋路邊攤小吃拼盤，呢個小吃拼盤裡面有台灣香腸，豆乳鹽酥雞同埋花枝丸，首先講下台灣香腸，佢整得唔算油膩，配埋生蒜一齊食，增添左一絲的辛辣味，正，花枝丸佢整得勁彈牙，SIZE又唔算好細粒喎，而最特別係鹽酥雞，首先佢唔會炸到太乾身，裡面仲保留左肉汁，而且佢個豆乳醬真係好特別，食落好似有陣腐乳味咁，配埋鹽酥雞食，味道岩岩好。💋百香國寶茶及老媽黑糖珍珠鮮奶茶，食完咁多食物後，都係時間飲
將軍澳唐德街9號將軍澳中心1樓133號舖
💋川味紅燒三寶牛肉湯麵(刀削麵)，上菜後第一件事就先呷一呷個湯底先，湯底味道濃郁，但又唔會過鹹，唔錯，而佢牛三寶係牛筋，牛肚及牛展，牛味勁香濃，鹵水汁勁入味，又好軟淋的口感，而佢刀削麵食落麵質勁爽口彈牙，整體感覺唔錯。
💋秘醬黑毛豬紅蔥醬油拌麵(幼麵)，好似每張枱的教學咁，影完相就可以撈黎食XD，經過一段時間的努力後，終於可以令每一條麵條都沾滿了紅蔥油醬汁，味道偏輕盈，但味道係足夠的，食得出有淡淡的紅蔥香味，而我今次揀左幼麵，雖然冇刀削麵咁有咬口，但因為佢能夠充份咁沾滿左醬汁，出黎的效果真係好唔錯，而配埋黑毛豬爽口的口感，一軟一爽，感覺好特別，正。
💋路邊攤小吃拼盤，呢個小吃拼盤裡面有台灣香腸，豆乳鹽酥雞同埋花枝丸，首先講下台灣香腸，佢整得唔算油膩，配埋生蒜一齊食，增添左一絲的辛辣味，正，花枝丸佢整得勁彈牙，SIZE又唔算好細粒喎，而最特別係鹽酥雞，首先佢唔會炸到太乾身，裡面仲保留左肉汁，而且佢個豆乳醬真係好特別，食落好似有陣腐乳味咁，配埋鹽酥雞食，味道岩岩好。
💋百香國寶茶及老媽黑糖珍珠鮮奶茶，食完咁多食物後，都係時間飲返杯飲品作結，佢杯百香國寶茶味道唔會話好甜，飲落仲有唔少的椰果係底，好有咬口，而杯老媽黑糖珍珠鮮奶茶，茶味好香濃，奶香味好足夠，而且佢珍珠咬落煙煙韌韌咁，為呢個晚餐寫上完美的句號。
張貼
