影片
更多
2020-04-03
60 瀏覽
嗰日喺尖沙咀行，無心插柳下突然想食拉麵， 經過金馬倫道見到一間叫“鬼金棒“嘅拉麵 ，咁就本主即管一試嘅心態入去食。其實賣拉麵唔需要款式多花巧多，只要做得專注 ，就算產品唔多都可以殺出一條血路。 鬼金棒全個餐牌只有八碗拉麵可以選擇， 貴精不貴多。我就點咗一個增量叉燒x 2 辣麻味噌拉麵(小麻小辣)，$135。拉麵好快就已經奉上，一嚟到我已經畀面頭兩嚿龐大肥大肉厚嘅叉燒吸引住， 白白嘅一陣肥油加一層肉， 見到已經垂涎三尺 ，那管有多邪惡，食咗先講，哈哈。食拉麵第一步梗係飲一啖湯先啦， 出奇嘅係竟然飲唔到有味精味，帶小小啲麻香同辛辣，對我嚟講就剛剛好， 而且個湯做到肥而不膩，有我係日本食嗰個水準 ，難得。再用筷子一扒 ，見佢個拉麵比較粗身， 市面上比較少見， 但係粗身嘅拉麵反而掛到更多拉麵湯 ，食落口嘅時候更加彈牙。 碗面完全係意料之外地好食， 食曬個面之後雖然好飽，但係見到個大肉飯好似好吸引 ，撈埋啲日本蔥一定好香口。 所以就追加一碗，同樣地無令我失望 ，脂肪同肉比例均勻，用嚟撈飯簡直一流。餐廳亦有提供即用即棄圍裙，咁就唔怕食到全身都係啦。老老實實喺香港地食碗質素勁差嘅拉麵都要100蚊或以
其實賣拉麵唔需要款式多花巧多，只要做得專注 ，就算產品唔多都可以殺出一條血路。 鬼金棒全個餐牌只有八碗拉麵可以選擇， 貴精不貴多。我就點咗一個增量叉燒x 2 辣麻味噌拉麵(小麻小辣)，$135。
拉麵好快就已經奉上，一嚟到我已經畀面頭兩嚿龐大肥大肉厚嘅叉燒吸引住， 白白嘅一陣肥油加一層肉， 見到已經垂涎三尺 ，那管有多邪惡，食咗先講，哈哈。
增量叉燒x 2 辣麻味噌拉麵
$135
4 瀏覽
0 讚好
0 留言
食拉麵第一步梗係飲一啖湯先啦， 出奇嘅係竟然飲唔到有味精味，帶小小啲麻香同辛辣，對我嚟講就剛剛好， 而且個湯做到肥而不膩，有我係日本食嗰個水準 ，難得。再用筷子一扒 ，見佢個拉麵比較粗身， 市面上比較少見， 但係粗身嘅拉麵反而掛到更多拉麵湯 ，食落口嘅時候更加彈牙。
碗面完全係意料之外地好食， 食曬個面之後雖然好飽，但係見到個大肉飯好似好吸引 ，撈埋啲日本蔥一定好香口。 所以就追加一碗，同樣地無令我失望 ，脂肪同肉比例均勻，用嚟撈飯簡直一流。
餐廳亦有提供即用即棄圍裙，咁就唔怕食到全身都係啦。
老老實實喺香港地食碗質素勁差嘅拉麵都要100蚊或以上， 仲要得嗰三片薄薄嘅叉燒 。呢一碗即使買135蚊，但係十分十分足料，性價比很高。
PS ：另外銅鑼灣都有分店。
張貼
