大頭蝦南風海鮮酒家

營業中

休息中

終於去到東涌嘅一個角落，如果唔係揸車去真係有啲遠，係一間坐得好舒服嘅大排檔，我就約咗幾個朋友仔一齊去飲啤酒chill返兩啖，大排檔嚟講呢間都算大，有冷氣位，亦都有戶外位啲海鮮好新鮮，蜆冇沙嘅，個冬陰功汁都好正，好有鑊氣。啲菜亦都好新鮮，我仲嗌咗粉絲雜菜煲同埋金銀蛋浸菜，好甜好好味。雞煲好惹味，辣到適中，唔會太鹹，係普通人都接受到嘅辣度，就算我唔係好食得辣都覺得好正，雞都好大件，好有鮮味，以後會再去食。蜆蚧鯪魚球好香口，強烈推薦大家嗌，好脆，又唔會太油膩！