阿木台灣麵 (豉油街)

營業中

休息中

以前成日好似當返鄉下咁返台灣，最近真係太耐冇去，真係勁想食台灣嘢，於是一同朋友講，佢就話不如約去旺角豉油街呢間阿木台灣麵，佢一講完我都即刻話好，呢間之前去過都覺得勁好食，味道亦都好地道，而且地點都好方便，食完之後可以繼續去第二度玩。因為太掛住台灣嘢，所以今次都叫咗幾多樣嘢，全部都好好食。首先一定係要叫個鹽酥雞套餐，我哋配埋肉燥飯。鹽酥雞炸得好酥脆，十分之香口，完全覺得係台灣夜市食到嘅質素，肉燥飯亦都整得好好食，相當入味，肥肉加飯好滑身。甜不辣都係另外必點item，炸得素菜，入面魚肉好煙靭，味道真係勁正。然後餐牌見到麻辣牛肉新竹米粉都覺得一定好好味，於是就叫埋，麻辣嘅味道唔會太Over，但係未瞓都可以soak到啲湯汁。牛肉麵當然都係好正啦，好厚嘅$1牛油，加埋口感超正嘅麵，湯底亦都係紅燒湯底，食完之後覺得好滿足。