保健牛奶公司

營業中

休息中

以前试过找这间茶餐厅，就是没找到。这次，在找另外的餐厅的途中，竟然比我看到保健！不得了，当然不理同行的反对，一马当先就跑进去买了个双皮奶。不错不错，虽然不够澳洲牛奶滑溜，不过味道颈浓。好原计原味。

同友人會合咗之後,就去食埋晚餐嘅下集.............dec 09, 11........2人叫咗 :1) 熱芝麻合桃糊 (mop$18)-友人話唔滑,食到1粒粒嘅口感2) 熱雙皮炖奶 (mop$17)-只喺暖熱-有奶香,不過唔重3) 薑汁撞奶 (mop$18)-等咗1陣都喺"鯨"唔埋-第1次食飲嘅撞奶

吃過迷你份量祥記麵食後，第二站便是找甜品填肚。一心來到澳門搵食，連鎖經營的大集團非我目標，反而本土地頭蟲才是我的對象。看旅遊書得知保健的牛奶產自自家牧場，那就當然要試試龍與鳳。開頭看錯了地址，以為是褔隆新街，去到後竟然找不到，後來看真點才知是褔隆新「巷」。其實這店與祥記麵食位置很近，只是在一條橫巷內。可能一般人不會在午市吃甜品，所以舖子有大量空位，很好，不用趕頭趕命。見門口寫著兩款最馳名的食物，不用多想，就點這兩款：雙皮奶和薑汁撞奶，另再加椰汁。薑汁撞奶滑溜得反光，入口感覺是跣進喉嚨。但我略嫌不夠「實淨」，水感多了一點。它的甜度適中，配上椰汁也不錯，可是薑味太淡。雙皮奶製作了很久，好在不是繁忙時間，否則趕著吃不能試真其味。這個甜品令我有點失望，首先是不見雙皮，其次是奶味不夠濃郁。幸好滑度仍能保持，吃完一碗覺得很漏。吃罷，走去十六浦看MJ展覽！

去到澳門, 買手信前諗著食啲甜品兼坐下, 因為好熱朋友介紹呢間好食過另一間出哂名服務差既義x牛奶公司三點零去到, 坐唔滿, 有兩三張枱坐低即叫雙皮奶同薑汁撞奶雙皮奶夠滑唔太甜, 奶味適中薑汁撞奶製作需時, 係比較耐的不過食落夠哂薑味, 呢點係我最鍾意的唔知係咪唔多人關係, 啲亞姐態度相當唔錯相比起另一出哂名唔憂做既義x黎呢度食唔使受氣

去澳門短短一粒鐘試左兩間唔同 雙皮奶..呢間係第2間..較第1間(順2)d口感係實d..但就淡d..整體感覺好似百福燉奶..會問自己食呢個定係4盒燉奶為好..有此諗法證明我對此食品價值觀真係無乜特別大不了..當時4點左右..全間鋪無客..士頭婆都幾好相遇..會講下野咁..我試個有埋紅豆+4$好似...但都係咁上下..反而同自己講返香港試下有咩唔同(係香港仲未街鋪幫襯過)

3月19日, 出到嚟議事庭前地附近, 本身想去食碗仔翅, 但係太多人喇, 睇怕都要等三五七個字… 所以原路向前行, 就見到呢間牛奶公司, 以撞奶同雙皮奶聞名~ 甜品都唔理喇, 二話不說入去食d野先~ ::: 雙皮炖奶 (凍) ::: $17雙皮炖奶個雙皮就唔係好見到~ 但夠凍夠滑, 味道清甜奶味濃郁! ::: 姜汁撞奶 ::: $18原本以為姜汁撞奶呢d係一撞就食得… 但反而係等得最耐嘅… 落完單食晒其他食物佢都未嚟! 仲有幾台客都等得唔耐煩問個呀姐佢話仲整緊… 滿有期望嘅姜汁撞奶一上枱, 發現仲係水汪汪仲未凝固好! 除咗頭幾淡係ok之外之後都好似“畢”緊d姜汁奶水咁… 就算有些少薑汁味但已經大打折扣!::: 奶醬豬仔包 ::: $9嚟澳門點可以唔食豬仔包, 未食豬扒包都食住個甜嘅先啦~ 呢個豬仔包比較淋身, 只有面頭少少脆口感, 中間搽埋奶醬就更一pat pat, 煉奶花生醬料都唔係搽得好均勻, 只有中間係最多醬, 少少求其~ 讚嘅係呀姐見我地咁多人, 都識得切開幾份~個格局有d似義順, 座位有d迫, 坐得唔係好舒服… 食完甜品, 就開開地胃去食晚餐~

睇旅遊書介紹既, 地方唔難搵, 3點幾去到, 係門口見到入面一個客都無, 諗緊係唔好食定係呢個時間無咩人。不過唔理啦, 照入, 呢到出名炖奶, 我要左碗熱既紅豆雙皮炖奶, $20碗一d都唔平呀。食落好滑好香, 紅豆好淋, 仲起沙嫁, 夾埋一齊食好正。建議唔好食凍, 因為無咁滑。個到仲有豬扒飽或麵食, 但入黎既人多數都係食炖奶。男朋友食薑汁炖奶, 但薑汁太辣, 我接受唔到, 男朋友就話好正。

琴日夜晚食左火龍mama之後就諗住去試下想試左好多次...但係都係食唔到ge保健牛奶公司...一去到有4枱客...心諗d野食應該都ok, 咁就叫左一個雙皮燉奶同燉蛋la, 黎同個陣, 一如我所料, 雙皮燉奶係鄒皮ge, 燉蛋都ok ge個樣, 點知一食落去好失望, 雙皮燉奶冇奶味, 又唔滑, 都唔知係度食緊d咩咁, 燉蛋太甜la...不過就好有蛋味..但係我都係唔鐘意!!!唉......失望!! 順帶一提...我琴日去食野ge時候, 有一枱唔知係唔係伙計d親戚, 食左好多野, 又自己攞水又自己攞野食, 但係冇見佢有比過錢!!可能呢d就係舊式食店ge"傳統"la!!!

再來就是位於褔隆新巷內街的保健牛奶公司。始終來澳門沒理由不吃雙皮奶吧，但又不想吃香港都有分店的義順，就找到了這間老店來嘗嘗。四時多的店沒甚客人，阿姐都在看在播粵劇的電視。坐下，要了一碗凍雙皮奶，阿姐快手送上，之後繼續專心看電視。之前沒太多吃雙皮奶的經驗（因從前的我是滴奶不沾的），只在香港吃過一次杏花樓的紅豆雙皮奶，感覺也不錯。這碗份量不少，表面的皮似有還無；燉奶的質感是一般的滑，但吃下去的奶味超濃！！！濃得好像在吃雪凍了的固體牛奶！！！但它濃得來又不會太人工的'糖甜'，味道就是很香很甜的天然奶味，令人想起特濃的北海道3.6牛奶！！！這間店是標榜用自家牧場出產的牛奶，而且燉奶只是十七元！！天知道同樣的用上3.6奶的話，價錢將會是十七元的多少倍！！！這碗燉奶吃得令人滿足，店內又舒服，不會像義順般迫滿遊客和躁底的店員，又有粵劇聽，真是悠悠閒，令人不禁放慢速度去細意體會一切..就是喜歡舊區老店這種特式和氣氛，有一種令生活急促的人如我可以放鬆下來的魔力，給自己休息的機會。

試過義順，又來比較下同樣出名的保健牛奶。這次老爸吃凍燉蛋，我試凍燉奶。然而我倆對這家的評價同是: 不怎麼樣。凍燉蛋，較義順的甜，如果正面點看它是比義順的落得較多糖，可稱足料，成本亦較貴。但最致命的是:沒有蛋味，too bad。凍燉奶，大概不用跟任何一家比較，因為做得的確太差了，沒有奶味，其實跟本沒有味!相信是雪得太久，天，誰曉得要雪多久才能雪到沒有味道?我還是覺得義順好一點。

唔想再去迫爆的義順，今次試下保健！平日中午，舊式老店坐了兩枱客。不用排不用等，清清靜靜，真好！想食到層皺皺的"奶皮"就記得要點凍的雙皮奶，熱的皮只有薄薄一層！天冷，點了熱的雙皮奶，係正常size，不是別店的縮水版。奶味香濃，甜度適中，軟滑好味！是義順以外的好選擇~~

是日食薑汁撞奶. 揀左保健而冇揀義順. 始終保健都係得澳門有. 特意黎一試.大熱天時食薑汁撞奶都幾係野. 仲行到身水身汗. 但換黎既係失望…上到台見到有層膜o係上面. 一刺開入面就好稀好水… 係薑奶而唔係薑汁撞奶.雖然薑味非常重我好喜歡, 但薑汁同奶溝埋係人都識, 冇技巧可言.整到咁仲收人$16, 下次唔會再去.

下午三時多行到福隆新街，突然想試一試糖水，就來到這一間試一試。入內時空無一人，找到一個吉的卡位就來試一試這裡的雙皮奶、薑汁撞奶和紅豆冰。雙皮奶 ($16) 都有很重的奶味，值得一試。薑汁撞奶 ($16) 撞得十分之適中，軟軟的薑汁奶和十分重的薑味，十分適合喜歡重薑味的人仕。紅豆冰 ($16) 紅豆煮得十分之好，稔稔的但仍然有重重的紅豆味，想想這裡的紅豆沙應該都十分之好。可能時間的關係，店內都沒有什麼人來的，不過有時靜靜的食野感覺都不錯呢。

趁住國慶假期，加上朋友從日本黎香港玩，安排黎到澳門玩，行程的第3餐，黎到保健牛奶公司食tea。見到全店只有一個劣評，諗住都穩陣，唉... 點知......野食其實都ok，不過服務態度真係出左事。叫阿姐加水，回答竟然係︰等我得閒先.....(好忙的原因係要抹隔離一張無人坐又無人等的枱...)而且衛生都好有問題.... 見到阿姐洗碗，唔見佢過清水......唉，真係無下次......

見旅遊書同之前D食評都大讚，就試一試!入到去香港人多，個個都嚟食，睇嚟冇介紹錯。叫咗一個熱姜汁撞奶$16 & 雙皮奶$16:姜汁撞奶真係姜味十足，幾滑流! 記得真係趁熱食，攤凍咗就覺得有少少苦...雙皮奶就真係有D失望，點解會咁皺皮嘅... 而且唔太滑... 完全唔覺特別好食喎~ 間舖頭裡面掛咗好多佢地自家養殖牛嘅照片，不過我覺得自唔自家養殖真係唔係最重要，最重要係好食。總體上，冇乜特別，同香港義順係差唔多嘅野，唔會專登再去食。