保健牛奶公司

營業中

休息中

服務一流, 有禮貌, 速度快很好味的雙皮奶$16價錢合理

食完細龜炒河，胃納沒有空間再吃六記，本打算去肥妹食個蘿蔔榚，可惜星期日無開門，再次吃閉門羹，同佢真係無緣份，退而求其次，女友提建去保健牛奶公司食甜品，正合我意。沿夜呣街轉入福隆新街，路程不遠，保健就在咀香園／佛笑樓附近，地點相當易找。來到這店，當然要試試煌蟲同學大讚的凍燉蛋，女友不好奶類製品，要了一個芝麻合桃糊。先來的凍燉蛋，鮮黃色的賣相十分吸引，蛋面上有不少氣孔，看得我心癢癢，立刻開動，蛋一入口即滑入喉嚨，的確滑溜到無朋友，充滿蛋味，絕不會出現水旺旺的惡攪情況，是高水準的出品。女友的芝麻合桃糊，全黑，芝麻合桃大約七三之比，入口熱燙燙的，味道不錯，可以一試。第一日行程橫掃八站，食完甜品早點回酒店，讓腸胃稍作休息，為明早的豐富自助早餐作好預備！

是日特登黎到保健牛奶公司試佢既薑汁撞奶,果然夠哂薑味,而且很滑,如果可以係凍冰冰既天氣下整番碗就好啦~一定很保暖的

24-10-2009保健的燉蛋已成為朋友到澳門的 must-eat 之一, 呢次當然亦唔例外 凍燉蛋 ($15) 滑溜得反光, 蛋味濃郁, 冰糖的清甜味亦突出, 邊度搵? 繼續極力推介 我就較想試新嘢, 今次叫了「招牌」熱薑汁撞奶 (好似 $16)... 滑度比燉蛋更高, 聞落好香奶味, 食落就十分「薑」, 甜度低, 辛辣暖胃, 又不錯喎 環境繼續乾淨企理, 阿姐們亦一樣友善好客, 奇怪 3:xx pm 嚟到點解包了場一樣? 每人放低十幾蚊, 會繼續幫襯的.可能你會覺得, 次次去澳門你都嚟食, 使唔使次次都寫一篇食評俾佢呀?咁我又問返你, 次次食一餐老麥 / KFC 炸雞, 或買一個美心麵包做早餐, 都寫一篇食評, 你又點睇?

上次食過後回味無窮 , 今次再遊澳門 , 食過先開心今次食雙皮奶.. 唔夠滑, 好似唔夠姜汁撞奶好味.. 顧生依然食紅豆涼粉, 紅豆大大粒, 正 !!!但服務員呀姐好好笑容.. 讚 ~ 加返分..

同老婆一行二人同達保健牛奶，炎炎夏日，下晝十二點幾，問侍應阿姐有乜好食，阿姐推介左紅豆雙皮奶(17蚊，凍食)，老婆就點左個合桃糊(16蚊，熱食)。據阿姐口徑，紅豆來自大連，哥日岩岩新鮮運到，所以值得一試。果然阿姐無老點，佢既紅豆好大粒，有咬口，好好味，加埋雙皮奶，奶味重，夠滑身，比起義順D更正，令人回味。至於個合桃糊，就普普通通，人地店名叫保健牛奶，應該都係食奶類產品穩陣D。另外，亦都問左阿姐點解掛咁多牛牛照片係舖面，佢話佢地D奶係來自珠海架，自設農場，仲話一定無"三罪青安"，可以放心飲。

吃完正餐~~ 妹妹早已開動2號 甜胃~~~~~~~ 準備要來試試這兒的雙皮燉奶~~ 3個女生決定各點1碗糖水, 再來交換吃~~~ 妹妹極快決定好~ 要吃雙皮奶嘛~~ Vivian 就要這店另1招牌- 薑汁撞奶~ 而綿羊就要了合桃糊~店子的裝修平實, 有如hk的澳洲牛奶公司~ 我們3碗都是要熱的, 因為熱的會比較滑嘛~ 來了來了~ 妹妹熱切期待的雙皮奶到了~ 奶香濃郁, 又暖又滑~ 超好味哇 >v< 薑汁撞奶妹妹怕辣沒有試, 不過朋友都說薑味太勁, 但如果愛吃薑汁辣味的話就會很喜歡~ 合桃糊就遜色了, 太過稀合桃味不夠, 而且太甜 =[ 妹妹覺得1定要試雙皮燉奶~~

吃了美味的麵食後，到只隔幾步腳程的牛奶公司吃甜的，同是澳門的義順做到香港也開了很多分店，而此間牛奶公司，只默默的守着這小小的店子，安於本份。也是採取精英制，和女友點了普通不過的燉奶及冰花燉雞蛋來吃，店員問要熱還是凍的，我和女友異口同聲的答當然要熱，不久也有得吃了。先談冰花燉雞蛋，雞蛋熱得燙口，幼滑而有雞蛋香，也有冰糖的甜味，沒有蒸得過老，火候剛好，非常對版。燉奶也是非常不錯，吃起來是比義順的更滑而且更有奶味，其實應該說，其奶味是強得有點羶，但我自小喝很多奶的，所以沒有反感，反之欣賞其去得夠盡的本色，在香港的澳牛，也做得和它一樣滑，但奶香也沒有這麼強，這碗燉奶，愛吃勁奶味的朋友應該會喜歡。吃過了好吃的甜品，繼續去下一站，也是甜品來的，甜胃真的是開動了。

7-8-2009上次嚟食覺得好掂 (http://www.openrice.com/restaurant/commentdetail.htm?commentid=1977288), 離開令人失望的豆品店後, 索性嚟一人一碗(凍)燉蛋 ($15 each... 好似) 補補飛.比起上次, 今次的賣相無咁靚, 面頭好似有少少皺皮, 不過食落質地仍然滑溜, 甜度剛好, 蛋味濃郁, 真係無嘢好彈 , 食完成碗, 對之前碗豆花的失望已一掃而空, 哈哈.每人放低 $15, 會繼續幫襯的.

聞說，來到澳門一定要食o下皮奶撞奶，所以一早揀好o黎呢度，因為似乎o的順義唔係好得……在遊客瘋狂買x 記o既大街上，轉一轉角就是這小店，沒有其門如市的感覺看了看餐牌，連包類同公仔麵都有……要了凍椰汁雙皮炖奶(MOP17)，奶味是非常非常之足夠，亦很對辨的不會變滑溜，凝固狀就對。但椰味似乎就食唔出，俾多一蚊都好似無分別婆婆們待客好親切，「下次再o黎」呢句其實唔多人識講。同時間仲有三個日本人拎住旅遊書o黎幫襯，婆婆都仲可以應對到o架！

去到最後, 幾飽都好, 也要吃甜品作結. 當然不去香港都有得食的那家, 就來保健. 本來打算吃雙皮奶的, 但見餐牌寫著馳名的係薑汁撞奶同杏仁鮮奶糊, 就要這兩樣.薑汁撞奶: 9分, 賣相對辦, 牛奶凝固在面頭, 吃落口係好滑, 奶味香濃, 薑汁味也夠濃.杏仁鮮奶糊: 9分, 沒有了薑味, 變成了杏仁味, 杏香濃郁, 也跟鮮奶的味道好匹配. 比起之前一晚吃的杏仁合桃露水準高不少.喜歡吃奶類甜品, 這裡一定會滿足到你, 兩個甜品也實在高水準. 加上服務態度也好誠懇, 吃得滿意.薑汁撞奶 $16 + 杏仁鮮奶糊 $17 = $33

我地叫左姜汁撞奶, 雙皮炖奶, 豬扒包姜汁撞奶-等左好耐, 味道好有姜汁味好滑, 值得推介雙皮炖奶- 好快就到, 好有濃郁奶味豬扒包-豬扒邊邊脆口, 包包硬度適中, overall 一般好味

顧生話想食甜品, 係大馬路附近搵左一陣都冇, 又唔想食義順, 顧生諗起有間食甜品, 咁就一齊行去睇下有冇開, 我地都係第一次食呢間, 門外見佢幾舊式又唔太多人食緊, 都諗緊入唔入去食好, 睇下個餐牌, 都唔平, 諗住可能應該好味.. 就入去試下啦!! 有好多位, 坐低左係卡位, 我點左姜汁撞奶 , 顧生點左紅豆涼粉..2樣到齊, 食一口 , 哇..... 好夠姜 .. 碗姜汁撞奶, 又夠滑...正正正紅豆涼粉 , 紅豆大大粒 .. 夠淋 夠凍 .. 正正正正下次要再去幫襯

來澳門必吃義順的雙皮奶，今次要吃保健的。價錢表有些巳漲價了，幸好雙皮奶未變。鳳城雙皮奶($15) ：滑溜味美，甜度剛好。紅豆雙皮奶($16) ：加了紅豆的雙皮奶有些過甜，最適合是一份兩用，變身兩碗紅豆雙皮奶呢。義順人流多，每次都好像要吃得怱怱忙忙。這裏可慢慢品嘗，我喜歡這裏。

話咁快去到最後一站，食埋今餐就要趕船返香港了，真的不捨得澳門既美食。保健牛奶公司跟義順的格局差不多，馳名的也是雙皮奶和姜汁撞奶等食品，而我今次就反傳統地要了龍眼雪耳木瓜糖水，兩位老友則分別要這裡的名物雙皮奶和姜汁撞奶。我的龍眼雪耳木瓜糖水，糖水甜度適中，龍眼、雪耳、木瓜三者之中我最喜愛的是前者，因為龍眼既清甜又爽口，不是說木瓜和雪耳味道不好，只稍嫌煮得太稔身，失去了應有的口感。試了一匙老友的雙皮奶，夠熱、香濃亦幼滑，不比義順差。再問及另一朋友的姜汁撞奶，回應是：咪好似義順既姜汁撞奶咁囉~ 咁即係點呢?值得一提的是服務，雖然樓面只得一個嬸嬸，但服務相當到位，禮貌又好，亦常掛笑容，是香港任何一間義順都冇得比的。呢個笑面，俾個位嬸嬸多過俾D食物。吃罷，坐出租車到港澳碼頭，澳門旅程正式結束！