影片
電話號碼
+853 28976663
營業時間
今日營業
06:30 - 17:00
星期一至日
06:30 - 17:00
以上資料只供參考, 請與餐廳確認詳情
位於白鴿巢附近既沙欄仔, 有兩間出名既地道火鍋店, 文哥就係其中一間出名海鮮煲, 見圖, 大大個海鮮煲有鮑魚, 沙白, 蝦, 蟹, 蜆, 青口等海鮮, 再加其他簡單配菜, 賣$380, 我地單點左其他配菜, 生蠔, 肥牛, 炸墨魚丸, 珊瑚桂花蚌刺身(勁新鮮), 六個人, 食飽飽, 埋單每人都係$120, 好味又抵食!生蠔，大大隻，幾新鮮下，大家都爭住食珊瑚蚌＋桂花蚌刺身，點WASABI食，勁新鮮，珊瑚蚌彈牙爽口，桂花蚌夠爽滑，用冰鎮住凍冰冰，打邊爐食一流！小店既炸墨魚丸真係唔會差得去邊，新鮮滾熱辣，外面米通脆卜卜，墨魚丸勁彈牙。MENU：平民價錢
繼續閱讀
黎左澳門年半, 第一次食文哥, 以為standard 得超大size, 點知原來都有細size ! 2 個人食岩岩好因為我地成8:30先去, 細細間既鋪頭仔都坐滿唒架所以要等一陣位先黎個細既海鮮鍋, 哇 !!!! 估唔到細既都係應有盡有, 樣樣海鮮都有海鮮鍋有 : 蟹一隻, 鮑魚仔3隻, 九肚魚3條, 青口3隻, 蠔, 蝦勁多, 沙白超多, 魷魚….蟹柳….除左海鮮, 入面仲有好多菜, 燒肉, 同丸各一粒咁....其實真係超級足料 !! 到食材啦 : 蟹, 鮑魚, 青口, 蝦 都係超級鮮甜既 !!! 不過....九肚魚, 沙白 有小小腥, 可能九肚魚我都係唔慣咁既食法, 不過我老公話OK ! er...因為本人係超大食既, 我地再加左一碟牛肉 (一般般)一個日本烏冬 (加入海鮮鍋, 分外鮮甜 !!!!) 一碟燕皮餃, 好特別 ! 未食過 !! 滑lu lu 既皮...好好味!最後係食到湯都飲埋, 正 !! 飽飽
繼續閱讀
喺十月初五街牛記食完, 老公想去飲杯咖啡, 成條街都有好幾間咖排廳都有好多人, 老公想去沙欄仔一間小咖啡店試吓, 佢上次行過已經想試, 今次終於有機會去試。 店面不太, 大約可以坐20-30人, 得我哋一枱4個客。 因為喺牛記食到好飽, 大家都只係叫咗凍咖啡同凍齋咖, 不過咖啡味道麻麻, 我哋都覺得有啲失望。 我睇睇吓佢哋個餐牌見到有個芝士咖哩辣魚治, 見到又芝士又咖哩又辣魚咁得意, 為食既我就想試吓, 難得同三人都陪我傻, 店員話"好好食架", 仲話烘底仲好, 我哋就一於叫一份試吓, 我哋叫店員幫我哋切開4件分黎食, 佢都好樂意幫我哋, 服務態度一流。本來係口痕試下, 估唔到又幾好味, 有驚喜。 跟住我又望吓個菜牌睇吓有乜可以再試吓, 發現到有個去骨雞翼包, 但係其他人話好飽唔想食麵包, 想淨係試吓個去骨雞翼, 最後我說服咗佢哋試份有麵、一份無麵包既, 結果又係無令我哋失望, 廚師仲好細心咁又幫我哋切開4份, 抵讚!店員話佢哋個豬扒包仲好食, 但係我哋實在太飽, 唯有下次再試。店員話佢哋朝早好多客, 下午茶時間無咁多客先至得閒食個包, 佢哋人手唔夠, 全店得2個店員, 其中一個兼埋做廚師, 如果唔係咁啱無乜客, 我諗佢哋都無咁得閒幫我切好啲包。
繼續閱讀
您可能會有興趣的...