影片
更多
2014-10-13
4862 瀏覽
喺十月初五街牛記食完, 老公想去飲杯咖啡, 成條街都有好幾間咖排廳都有好多人, 老公想去沙欄仔一間小咖啡店試吓, 佢上次行過已經想試, 今次終於有機會去試。 店面不太, 大約可以坐20-30人, 得我哋一枱4個客。 因為喺牛記食到好飽, 大家都只係叫咗凍咖啡同凍齋咖, 不過咖啡味道麻麻, 我哋都覺得有啲失望。 我睇睇吓佢哋個餐牌見到有個芝士咖哩辣魚治, 見到又芝士又咖哩又辣魚咁得意, 為食既我就想試吓, 難得同三人都陪我傻, 店員話"好好食架", 仲話烘底仲好, 我哋就一於叫一份試吓, 我哋叫店員幫我哋切開4件分黎食, 佢都好樂意幫我哋, 服務態度一流。本來係口痕試下, 估唔到又幾好味, 有驚喜。 跟住我又望吓個菜牌睇吓有乜可以再試吓, 發現到有個去骨雞翼包, 但係其他人話好飽唔想食麵包, 想淨係試吓個去骨雞翼, 最後我說服咗佢哋試份有麵、一份無麵包既, 結果又係無令我哋失望, 廚師仲好細心咁又幫我哋切開4份, 抵讚!店員話佢哋個豬扒包仲好食, 但係我哋實在太飽, 唯有下次再試。店員話佢哋朝早好多客, 下午茶時間無咁多客先至得閒食個包, 佢哋人手唔夠, 全店得2個店員, 其中一
本來係口痕試下, 估唔到又幾好味, 有驚喜。 跟住我又望吓個菜牌睇吓有乜可以再試吓, 發現到有個去骨雞翼包, 但係其他人話好飽唔想食麵包, 想淨係試吓個去骨雞翼, 最後我說服咗佢哋試份有麵、一份無麵包既, 結果又係無令我哋失望, 廚師仲好細心咁又幫我哋切開4份, 抵讚!
店員話佢哋個豬扒包仲好食, 但係我哋實在太飽, 唯有下次再試。店員話佢哋朝早好多客, 下午茶時間無咁多客先至得閒食個包, 佢哋人手唔夠, 全店得2個店員, 其中一個兼埋做廚師, 如果唔係咁啱無乜客, 我諗佢哋都無咁得閒幫我切好啲包。
題外話/補充資料：
傾傾吓先至知原來呢間店只係開咗幾個月, 總店喺氹仔, 呢間分店既食物都係由總店預備好送過黎, 所以我諗味道應該都同總店一樣, 不過下次去開氹仔都會去總店試吓, 2間店都好早關門, 只係做到下午5:30, 不過無問到總店係唔係都係星期日休息。
(以上食評乃用戶個人意見 , 並不代表OpenRice之觀點。)
張貼
