洪馨椰子

營業中

休息中

夏天咁熱真係要食返杯雪糕先得🍦咁岩經過見到呢間賣椰子雪糕咁多人都拎住黎食，椰子控既我一於試下！雪糕係店主自家制，椰子味好香好濃食落都幾香滑而且好清新，亦唔會有太重奶既口感！成個感覺好天然natural👍🏻

天氣有啲熱行完一輪最啱食返杯雪糕揀咗呢個椰子雪糕 - $28睇個門面都覺得佢係一間老店(其實唔知係咪)無咩花巧嘢就係一杯好Plain嘅椰子雪糕椰子味好香濃食落好清甜行到熱辣辣食就真係好透心涼

在澳門舊區，真的有唔少老店，服務了澳門百幾年，做了好幾代人。有些，可能不是太出名，默默地繼續他們的家族生意。有的，因為有追上了時尚的新產品，再加上後人懂得宣傳或得到澳門旅遊局的加持，當然還有各大小社交媒體的加持，而變成今時今日的人氣好店。這次澳門行，我專程帶小朋友來的《洪馨椰子梹蒟發客》就是其中的一間人氣百年老店。大家為的，是店主自製的鮮椰子雪糕。據說，這《洪馨椰子梹蒟發客》早在清朝時代已經開業，至今已經是第四代人在經營。此店，如其名，本身是一間專門進口馬來西亞的椰子專賣店，"槟" 指的是檳榔，而"蒟" 指的是青蒟，是一種馬來西亞產的草藥。而 "發客" 的意思就是批發商。而《洪馨椰子》，主打的，始終是椰子。在80年代，因為鮮椰子的銷售不理想，店老闆就把新鮮的椰子製成雪糕，自此，《洪馨椰子》就變成了澳門的雪糕名店。而且，老闆堅持新鮮製作，賣完有就關門，所以一定要早上去。《洪馨》的椰子雪糕，有著濃濃的椰子香味。入口很冰凍，也很滑。因為是純椰子汁的關係，吃起來沒有奶味，也沒有太多奶的口感，是完美的椰子汁味。口感，其實像雪葩，入口很是清新，而濃濃的椰子香，就是這東西吸引人之處。值得來朝聖，尤其

#29072023澳門老店 - 洪馨椰子梹葯發客 - 椰子雪糕🥥之前去澳門既時候已經想試呢間，都見到有好多人介紹。但第一次去到模門釘，唔知點解無開；第二次就晏晝4/5點去到，已經賣曬。今次食完個lunch兩點前到🕑終於食到！杯雪糕要$25，唔算平唔算貴？！味道真係好～～～～椰子味，好似食緊杯凍冰冰既椰汁咁。如果你係椰子fans就一定要去試下。雪糕質地唔算好滑，但味道好濃，食落就好似除咗椰子無其他🤣🤣🤣

📍澳門-洪馨椰子梹蒟發客上星期去咗快閃澳門一日遊~🇲🇴希望依兩個禮拜可以同大家分享曬我食過嘅美食吧！♪( ´θ｀)ノ🫶🏼依間洪馨椰子梹蒟發客係嗰日去大三巴嘅時候路過🚶‍♀️🚶‍♀️又見到有好多人喺度排隊❤️就試咗囉！🥥椰子雪糕 mop $25🇲🇴依個椰子雪糕好香椰子味同奶香味！(///▽///)睇返啲報道先知係原個椰子拆肉🌴！所以唔會話好甜 好天然好natural嘅感覺🥲🏖️準備去澳門嘅朋友快試(｡･ω･｡)🌴☘️———📍澳門-洪馨椰子梹蒟發客🥥✨地址：澳門新馬路果欄街14號地下營業時間：09:00 AM - 13:00 PM、14:30 PM - 19:00 PM

一場來到澳門，與朋友特意來到洪馨椰子老店來食椰子雪糕，他們賣的椰子雪糕25元一杯，用了個發泡膠杯盛裝著，我們一共買了兩個，雪糕口味道還有芒果味可以選擇 ，但價錢就要$30一杯，講番我地杯椰子雪糕，份量都晤算細杯，椰子味都晤算吃起來又不算太濃郁，同時味道又不會太甜，但食得出是天然椰子味，甜度對我個人方面都算接受到，當舀一口椰子雪糕，放入口細味時，覺得它的質感似雪芭，好有似食冰的感覺，所以我個人覺得雪糕的水準就一般

又係誤打誤撞去到，買嘅時間，應該係老闆娘嘅女士示意雪糕係啱啱做好，叫我哋盡量秒殺咗佢！一打開蓋，軟綿綿、白𠽌𠽌盡入眼簾！因為雪糕係新鮮做好，入口一啲都唔硬，滑滑即溶，超清香椰子味而唔太甜，食落清爽！

—友人強烈推薦食呢間椰子雪糕每次嚟澳門都會去 食完個brunch就行咗去買椰子雪糕($30)一杯杯預先裝好咗 喺雪櫃拎出嚟椰子香都有嘅 質感似雪葩唔會話太甜 幾天然嘅味道 食到最到都冇溶後尾google返 原來喺每朝刨椰子等工序整出嚟唔怪得喺白茫茫嘅雪糕會見到d雜質 椰榖個種顏色嘅物體lol着眼當前嘅大手筆 往往忽略咗一直支持嘅人附上藍天下嘅大三巴相一張——————————————————洪馨椰子新馬路果欄街14號地下

每次去到澳門一定會去食椰子雪糕店鋪位置近大三巴，可以步行6-10分鐘左右前往裝潢有傳統風味，店鋪門外掛有兩個大大椰子，店內有其他椰子產品好啦介紹下主角椰子雪糕先椰子雪糕一杯$25，可以一人一杯，或者兩個share一杯😺食落會發現雪糕其實裝得好多，幾實架，無咩空位，最神奇係你發現夏日炎炎，天氣仲可以keep 住冰凍，唔會好快溶，超級神奇！店外有樓房間簷蓬位置遮蔭，唔駛直接露天曬住食，或者一邊行一邊食都可以架！

本來一心去倫記食 蔥花叉蛋腸粉 點知無開🥺好彩附近都bookmark咗2間小食店 洪馨係其中一間 去到已經4/5點 舖頭門面好簡單 好似士多店 同老闆講要一個椰子雪糕 佢喺問口個雪糕櫃（毫不起眼的一個櫃）打開 入面得番10-15個發泡膠杯 我望一望 啲雪糕原來係咁 一路行去大三巴一路食個雪糕 打開的時候面頭有啲溶溶地 所以都無咩奇望 嗰時都有少少熱 但係雪糕一入口好涼 雖然望落去溶溶地 但係其實好dense, 椰子味好重 奶味都好平均 無話邊個搶咗邊個的味道食到底的時候 雪糕都未溶 都係面頭嗰浸溶少少 唔好睇佢只係用普通發泡膠杯裝 以為無咩特別 特別在佢唔係出面食到的假椰子味 仲有一種地道人情味強烈推介👍🏻👍🏻👍🏻

6月澳門飲飲食食之旅第二站係洪馨椰子，因為洪馨的位置就在倫記軟滑腸粉附近，店舖門口兩邊都各掛了一對喜嫁用的椰子，還有不少顧客在門口聚集，有正在買的，也有買了在街邊吃的。看看冰櫃內有哪些選擇，原來獨沽一味，只有椰子雪糕。剛剛才飽嚐兩款布拉腸，買一杯2人分著吃好了。椰子雪糕裝在發泡膠杯內，不怕冷著雙手，可以避免手的溫度加速雪糕溶掉，也可保溫，就是有點不環保了。白白的雪糕並沒有填滿杯內空間，嚐一口...嗯...好有椰子味，就像現榨椰子汁般香甜，不算很滑，但是很香很好味，不錯吃。

嚟澳門前見好多人都介紹呢間雪糕係老闆自己做嘅雪糕 賣哂就無當時已經5點幾就關門 6點關去到時淨番幾杯 好彩仲有得食🤣佢個口感好滑 比起普通雪糕冇咁heavy輕盈啲既感覺 好香好香椰奶味同埋都溶得幾快 可能因為手造關係？但手造雪糕🍦$25我覺得好合理去開附近可以買嚟試吓

喺大三巴牌坊附近都見到有不少賣雪糕嘅鋪，但聽聞再行遠多小小有間專賣人工雪糕嘅自家鋪。今次嚟到「洪馨椰子」椰子雪糕杯裝size，睇落好細杯咁，但食落又真喺好好食，重質不重量。口感方面與其話喺雪糕，不如話佢喺雪葩！平時雪糕喺一pat cream咁，而呢杯椰子雪糕就好似雪葩咁好綿綿細緻，好似食到有好多一粒粒細細嘅沙狀物咁，但肉眼又睇唔到有一粒粒沙狀物，口感非常豐富。原本以為鋪面睇落殘殘舊舊咁，會無咩人知道呢道賣雪糕。點知發現雖然未有人龍出現，但斷斷續續咁不斷有人嚟買。我都好好彩買到最後5杯雪糕嘅其中一杯。

Weekend假期兩day去澳門睇show，咁難得兩日一夜，當然搵時間去澳門食好西啦🤤去完必到景點大三巴，就到附近十月初五街食野。呢間椰子雪糕想食好耐，但每次都搵唔到間野，有google大神幫手終於都搵到喇。我地黎到既時候都就收檔，雪櫃都得返幾個雪糕，好彩仲有最想食既椰子味 ($25)咪以為個價錢好貴，其實個杯係滿滿新鮮既椰子雪糕，兩個人食都得！講返野食味道，佢食落係似sorbet多過似雪糕，但唔會好快溶，食落口好fresh!

嚟過澳門好多好多次，每次嚟親同女朋友都係有指定要食嘅，今次女朋友話要突破慣常食啲之前未食過嘅，去啲未去過嘅景點，😁可能有人會講：吓？既然嚟過咁多次仲有咩未食過咩景點未去過呀？其實有好多好熱門嘅食店因為興趣唔係好大，所以唔會好專程走過去食，其中就係呢間洪馨，今次會嚟嘅最大因素係今次選擇住喺附近嘅卡爾酒店，放底咗行李又未有房唯有喺附近閒逛，經過呢度見好多人買咪試下囉呢杯雪糕盛惠$25都唔平，椰子味唔濃但都幾清香，味道唔太甜以食雪巴都唔錯，經過嚟試下都無防