洪馨椰子

營業中

休息中

澳門事件簿(5)👨‍🍳第五站我地黎到食椰子雪糕🤤素聞依間鋪頭都開左好耐，所以特登黎試下😎一問之下，個椰子雪糕一杯原來都要$25，真係有少少貴，不過勝在佢歷史比較悠久，本尊同朋友就買左兩杯試下🤔一食落個椰子雪糕有好重椰奶味，同埋好creamy，鍾意濃郁口味的本尊食落就覺得十分正‼️但係對於一D比較鍾意重椰青清淡口味的朋友就未必太過適合🤔鋪頭仲有賣椰子水同埋芒果雪糕，有興趣的朋友可以去試下😎

想食好耐架啦，不過鋪頭不太好找，去左澳門咁多次，始終都未食過。今次出發前已經加入行程，決心點都要試一試。果然名不虛傳，$25 杯，很fresh， 很清甜，食完完全沒有甜椰椰既感覺，很適合大熱天時食，好味

洪馨椰子! 一聽個名就知賣咩啦～ 佢個鋪頭好得意, 掛起哂啲椰子係度! 香港地價咁貴,係唔會見到一間賣椰子嘅專門店! 但呢間嘢望黎望去都唔似有雪糕賣咁喎! 決定行過去, 見到個雪糕櫃全部都白雪雪! 冇錯, 就係椰子雪糕! 本身唔係特別中意椰子雪糕, 而且間舖頭個樣唔係特別吸引😂, 仲要個雪糕杯係超市都買到嘅發泡膠杯! 好自家制但又好似 hea 咗啲喎😂由於佢嘅外型同佢嘅包裝令我對佢冇咩期望, 但結果好令我喜出望外! 佢食落去真係好天然嘅味道, 椰子味好香濃! 唔似平時個啲好椰奶好膩嘅感覺!! 不過你可以想像一杯發泡膠杯其實好細杯架, 好快食完仲想黎多杯㖭呀！

由大三巴誤打誤撞行下行下，行到「洪馨」望入去雖然裝修有點簡樸，證明這是小店方式經營的，看見有班人在買，一於試下先店主介紹我食椰子口味雪糕，平時本人不喜好這款口味，但看見叔叔誠意推介我，就即管試試啦，入口椰子味好香濃，還吃到一絲絲的椰子，好 natural

朋友約咗個澳門朋友，咁我哋就一齊食飯啦食完飯之後，澳門朋友就介紹咗我哋食椰子雪糕。雪糕嘅味道比較淡，有少少甜味，但係幾乎係冇椰子味嘅。朋友有注意到價錢牌，佢嘅椰子汁都賣得唔平，所以一杯＄20嘅雪糕冇咩椰子味都係合理嘅。最少佢唔係落椰汁香料...雪糕嘅質感好好，佢係介乎係雪糕同埋雪葩之間，有少少冰嘅質感。依隻杯有一隻外賣熱飲紙杯咁大，份量都幾多。佢嘅味道唔算太甜，所以食晒成杯都唔會膩。另外佢夠凍，我哋一路行一路食都冇溶得好誇張。另外，佢係冇奶味嘅雪糕，少少甜，味道同質感都好特別，下次再去嘅話可以再食。

去完榮記食雞腸面+香滑豆腐。當然要行前D食埋個雪糕先。個雪糕係自家製椰汁同芒果味。杯用保温杯，所以食極5易溶。兩隻我覺得椰子味比較好。芒果都5差。好天然又5流。比D外國雪糕還要好。

同屈小姐食完Lunch啦～梗係要搵D甜品比佢作結啦！好彩賴生今次早有準備，拖住屈小姐黎到果欄街去食《洪馨》既椰子雪糕！聽聞呢度既椰子雪糕係冇加奶冇加水，原個椰子整既，超濃椰子味，所以受到一眾市民同遊客熱棒！去到只見到好多椰子掛係舖頭，而舖頭前面有一個雪櫃放滿用發泡膠杯裝既雪糕，有椰子味，芒果味同香芋味！全部都係20蚊杯！賴生就叫左一杯椰子味雪糕同屈小姐share啦！一擺入口，屈小姐個樣洋溢住幸福！賴生就知道面前呢杯椰子雪糕一定係好西黎啦！椰子雪糕 （5星）- 一入口勁重既椰子味湧入喉嚨！打開蓋都已經聞到好重椰香嫁啦！食落口真係不得了！真係食得出佢係原個椰子無添加！冇講笑！- 質感係似將原個椰子打汁之後，再雪佢做雪糕(或者叫做實既沙冰會貼切啲)，啖啖都入口即融！食完令我地回想起係台灣九份食果杯豆腐雪糕既感動！屈小姐仲話下次黎澳門必食！#愛上妳食甜品的樣子#與妳食好西締造美好回憶#愛特濃原材料味的我倆#以舌頭遊盡世界 <3

每次嚟澳門旅遊，無論食到幾飽都好，都必須食返杯洪馨椰子雪糕。洪馨椰子雪糕椰香味十足，但又唔會有飲椰奶椰汁嗰種膩膩嘅感覺，口味非常清新，食落唔係好rich好creamy嗰種口感，而係近乎雪葩嗰種清爽嘅口感。雖然佢係喺雪櫃雪咗一段時間，始終無辦法做到喺餐廳食到嘅嗰種鬆軟雪葩口感，而係會硬身少少，之不過呢樣嘢完全冇影響我對佢嘅熱愛。我記得有時老闆都會整芋頭味或者芒果味雪糕，不過我次次都放棄唔到椰子雪糕，所以未試到其他味呀。總之，強力推薦洪馨椰子雪糕呀！從來冇喺其他地方食過呢種味道，佢真係澳門之光，大家快啲去試吓啦！

大家周圍行下 ~~ 行行下想飲野就試下佢喇 !! 椰青水好清甜好解喝 !! 我仲叫左個椰子雪糕 ~~ 好滑 !! 每一啖都好似食緊椰子咁 !! 都真係好好味 !! 可以解一解熱 ~~ 哈哈 !! 下次要再黎買番香港先得 !!

上星期過澳門一日,係朋友屋企附近等佢,咁岩比我見到尼間椰子雪糕.清新既椰子香味,質感介於冰同雪糕之間,唔會好似d手打雪糕咁好重奶油味.MOP 20 , 好味!!!

看到多本澳門旅遊書推介，早已決定其中必到一站是洪韾椰子店！位置不算太難找，大三巴行去媽閣廟，轉兩個彎再一直行，就會見到洪馨椰子雪糕在左手邊。叫了一杯的椰子味雪糕，不算大杯，以小小的發泡膠杯裝著，平實的包裝沒有多餘的裝飾，顯然是走實力派路線的雪糕。以新鮮椰子肉造出來的奶白色雪糕，原來絕對會令人吃不停口的！濃郁的天然椰子香味，清清甜甜的，口感像雪芭一般。沒有任何添加劑，沒有人工加甜的感覺。就是純純椰子磨出來的味道，雖然沒有吃到粒粒椰子肉，但能在炎炎夏日吃到這樣冰凍的雪糕實在有令人透心涼的感覺，精神為之一振，令人回味無窮！大汗疊細汗的走來這間點，的確沒有失望，下次還會再來！

復活節澳門遊，男朋友話帶我去食椰子雪糕，心諗：我其實唔係好鐘意椰子味，其實係你自己想食咋掛大三巴行去媽閣廟，見到媽閣廟轉右再轉右，沿路一直行，中途會見到榮記豆腐花，再行前少少，洪馨椰子雪糕就係你既左手邊！一杯20蚊，其實份量很少，用小發泡膠杯裝住，沒有任何裝飾，十分平實。原本只係想試下味道，點知一試停唔到口。因為佢有淡淡既天然椰子香味，唔係人工只有死甜的味道，岩晒我唔鐘意食太甜既人。質感並唔係雪糕，似雪芭多啲。雖然話用椰子肉新鮮打出黎，但你係唔會食到粒粒椰子肉睇返以前既食評，其實佢加價都加得幾利害，不過又真係幾值得一試！

遊走澳門其中必到一站就係呢間洪韾椰子店食椰子雪糕！ 經過9曲13彎終於來到高店，其實我覺得比較難搵，要向大三巴到轉返出果欄街再直行就到！去到見到已經有人排隊，等到我地時即買一杯食先！杯價錢依家要$20 了！但一食就停吾到口！其實佢既雪糕質感似雪芭多. 但好香椰子味！杯野吾夠2分鐘已經食曬！ 回味無窮！但係杯雪糕實在太細杯！好吾夠喉！

遊走澳門之旅，當然不能錯過椰子雪糕。純白色的發泡膠杯內藏自家制的椰子雪糕。沒有色彩繽紛的招紙，只有那純真原始的心思。個椰子雪糕雖然賣20蚊杯，不過好好食。冰凍的雪糕含有濃郁嘅椰皇味，令你感覺真係食緊椰子肉。奶白色嘅雪糕味道冰得黎帶爽，沒有任何添加劑，純純椰子磨出來的味道。好濃厚，好甜。

$18元一杯椰子味,也有$20元芒果味, 包裝很簡單只是用發泡膠杯,目測杯子只有100-150ML大小, 可想以知打進空氣加不是填滿的雪糕到底有多少。打開是絲豪沒有椰子味, 雖然是白色, 食落不像雪糕擁有細緻及入口即溶的質地, 也是沒有奶味, 甜度不高相信是沒添加額外糖,應是想以本身椰青水甜味,反而是雪花冰一樣,但密度打得更細, 不過想像不到所謂推介之物。第一口已經令我心死竟是那麼難食..........旅遊書果然是一本廣告。很失望呀!!!  被人過份吹噓, 名不符實。